ZUK LEH HMUAM A FIHLIM VENGAH CHAMPHAI RUANTLANG PUAN A NIChamphai Ruantlang Veng chu Mizoram a Zuk leh Hmuam a fihlimna (Tobacco Free Village) pahnihna atan nimin chawhnu khan Champhai Additional DC Pi Lalsangpuii Hmar chuan a puang.

ZUK LEH HMUAM A FIHLIM VENGAH CHAMPHAI RUANTLANG PUAN A NI


Addl. DC Pi Lalsangpuii Hmar chuan kan taksa hrisel zawk nan Zuk leh Hmuam ti lo tura chak taka hmalak anih vangin Mizoram a zuk leh hmuam ti mek 57% in a tlak hniam thu a sawi a. Zuk leh hmuam kaih hnawih vangin khawvelah Second tin mi an thih bakah kumtin mi maktaduai 5 in an thih phah thu leh zuk & hmuama in awmkarna a awm loh chuan kum 2030-ah chuan kumtin mi maktaduai 8 velin an thihpui tur thu a sawi a. Faina leh thianghlimna-in hriselna a kentel tlat vangin Mizoram hmun tam zawk hi Tobacco Free Village a puan zawm zel ni thei se a duh thu a sawi bawk.
Declaration of Tobacco Free Village hun Vanhnuailiana Hall, Ruantlang a neih hi Champhai BDO Pi PC Lalnuntluangi chuan kaihruaiin,  Zuk leh hmuam a fihlim Veng a Ruantlang puan anih dan phung hrilhfiahna a nei hmasa a. He hmalakna hi District Tobacco Control Cell & Anti-Tobacco Squad, Champhai District leh Ruantlang Village bakah Champhai BDO te tangkawp a tih anih thu a sawi.

ZUK LEH HMUAM A FIHLIM VENGAH CHAMPHAI RUANTLANG PUAN A NIChamphai Ruantlang hi Model Village a a puan anih angin vantlang hmasawnna leh hriselna lam hawi a hmalakna peng hrang hrang thawh mek anih dan tarlan a niin,  Champhai District Anri-Tobacco Squad leh Ruantlang Anti-Tobacco Squad atangin COTPA leh Food Safety & Standard Act chungchang ngaihthlak anih bakah zuk leh hmuam chungchang a khuah khirhna dan dinglai pawimawh zual tarlante ngaihthlak a ni bawk.-DIPR

Post a Comment

Powered by Blogger.