1. Kiddy Vanchhawng Vanchhawng "VUR TLA"
Tukin khan Pu Mangaia Khawlhring-in E. Lungdar tlanga 'Vur tla' (Pic ami hi) a rawn post a. Tam takin 'Vur tla a nilo, dai khang a ni' kan ti a. A dikna chen a awm awm e. Amaherawhchu Mizotawng hi tunhma atanga lo hman dan leh thil hming sawina bik kan nei a. Kan pi leh pu te atangin kan ramah hian 'Vur tla' han tih a khawvel ramdang, hmun vawt zawk te ang a Vur tla tak tak awm ngailo a ni a, heti ang a thlasika zingkar a Dai tla lo khang hi 'Vur tla' ti a sawi mai a ni a, tun ami pawh hi Mizotawng kalphungah leh Mizotawng pangngaia, a hmingah chuan 'Vur Tla' a ni mai.
Tunlaiah, thangthar saptawng leh tawng dang thiam zawk leh dai zau zawk ten a saptawng emaw lam leh khawvel ramdanga vur tla te nen khaikhinin, 'Vur tla a nilo e' kan ti hi a diklohna a awm hran bik lo na in literally in Mizotawnga a hming kha 'Vur tla' anih miau avangin hahdam takin 'Vur tla'-ah pawm ve mai tur a ni. Anih loh chuan Vur chu enge ni ta ang? Chhim leh Hmar tawpa khawng khir uaih te, ram vawt zawka inchhek hner hnur te leh chunglam atanga rawn tla te hi eng nge a nih ang? 'Tui khang' emaw 'Lui khang/Dai khang' a ni ve mai dawn tihna a ni a, khawiah nge, eng chu nge Vur chu ni ta ang? Refrigirator-ah emaw tui i dah a, alo khang a, chu chu 'Vur' chu kan ti ta mai a, mahse Mizotawnga 'Vur tla' kan tih, 'Dai khang' ti tlat te ngaihdan ang hi chuan 'Tui khang/khal' a ni mai a, Vur reng reng kan nei dawn hauh lo tihna a ni!
Tawng dang leh khawvel hmundang te nena khaikhina kan tawng hi kan hrilhfiah zel dawn anih chuan thil hming diklo leh thlak tur kan ngah dawn lutuk a, a hre zawk te leh Mizotawng a kan lo neih/sawi dan pangngai hi hahdam taka pawm thiam a pawimawh hle a ni.
Dai khang/khal hi Mizotawngin, "VUR TLA" a ni.
Nilen nuam ule.
2. C Lalthazuala Tza Chawngthu "VUR A TLA EEE"
Vur a tla lo ti ho hi chuan Mizo tawng kalphung an hre chiah lo niin a lang.
August thla velah pawh "Khua a chhe hle mai" kan tihte hian khawlaiah khaw chhia en tumin an vah chhuah du du duh hmel e ka tia.
Thlasik a lo thlen dawn a "Tang a thawm" kan tihte hian tang thawm ngaithla turin an beng an tun hru hru duh hmel ka tia.
Lei chhuat kan chei that changa "Chhuat kan lip" kan tihte hian chhuat lihna kawr an zawn du du duh hmel e ka tia.
Mizoten la par kan lak changa "La ka en" kan tihte hian la hmunah va kal ve ta se la chuan la kung atanga a par chu la thla lovin an en doh doh ringawt duh hmel bik e ka tia. “Enga ti nge i en mai mai a?” han ti i la, “ ‘La en tur’ in ti a ni lo’m ni?” an tih duh hmel.
Thutthlenga thu chunga kan muthilh changa "ka mu tui hle mai" kan tihte hian "I mut loh kha, i thu a nih kha" min tih zuk zuk duh hmel e ka tia.
Kum tawpa lo han zawh hlim, buh seng zawh tawh hnu velah “Pawl a tla ta e” kan tih te hian pawl tla lai en turin chal dawm meuha van lam an thlir vung vung duh hmel e ka tia.
Tlawmngai pawlten ramhnuaia zu sakna hmun vel an tihchhiatnaah kal ve thin ta se bungbel leh zu zem vel zawng lovin ‘in’ an zawn duh hmel bik. “Khawnge an in sak chu?” an tih duh hmel.
Hmanlai Mizo nunah khan cheng ve ta thut mai se chuan, sakeiin vawk emaw a rawn seh changa “Sa a tla eee” ti-a an au changin silai, meichher leh chempui chuh ve lovin kham emaw thing emawa sa tla lai en turin kut lawngin an vah chhuah bik duh hmel.
Chuvangin maw, Mizo tawng kalphung hi lo bel la, lo chik leh zual ta che. A tawngkam mal mal hi lak hran a, hrilhfiah tum chi a ni hlei nem.
Mizoten ‘vur a tla’ kan tih hian van atanga vur rawn sur chum chum kher kan sawina a ni lo tih lo hre ve tawh la. Sap rama tla thin snow chauh hi vur a ni bik lo a; ice leh frost te pawh hi vur an ni ve tho tih lo hre tawh la. A nihna takah phei chuan, sap rama vur tla ‘snow fall’ an hriat hma daih tawh khan kan pi leh pute khan ‘vur a tla’ an lo ti tawh thin asin. Nang, thangthar, hmanni lawka piang khan hmanlai ata kan pi leh pute tawngkauchheh hi Saptawng leh sap ram nena khaikhinin ‘A dik lo’ i rawn ti ngam a maw? Zak hle ringawt rawh. “Beng sikin” lo inngaihtuah tha leh rawh. I beng erawh sik tak tak kher lo la.
3. Mawitea Hauchhum
Champhai vur tla hi, kan ram in vur tla kan neih ve chhun ania, kan ngaihlu hle ani. Mahse Film vela kan hmuh vur tla seng seng ang 'Snow / Snow fall' an tih anga tla chem chem, han do vel theih ang chi kha ani lo thung a, he kan vur tla hi chu khawvawt lutuk avanga boruaka tui hu te khal in lei lamah alo tla a, dai awmsa te pawh alo khal hlawm a, hetianga a insiam hunlai hi zing lampang khawvar hma, khaw vawh vanglai tak anih a rinawm.
Chuvangin he Vur tla hi, kan vur tla neih ve chhun liau liau ania, Hmanlai ata tawh 'Vur tla' dawh in naupang ho pawh anlo hmanhlel ve hle thin anih kha.
Mi rama vur tlak dan nen a in ang lova, kan rama vur tla tlak dan animai ani.
Photo : @Biaka Pachuau
4. Arteea Chhakchhuak Vishal "S. Vanlaiphai vur tla"
A vawh em a vangin.. DAI kha a lo khang ta a.. ti chuan vur ah lo chang ta..
VUR hi tui khal. Sawina a nia..
Tuifinriata vur tlang lian pui pui hi.. tui khang a ni a.. chu chu vur tiin kan lam thin
Dai khang ti ho khan vur an la hre ve lo..
dai hi chunglam atanga rawn tla a nih a vangin daitla kan tia. Chu dai chu alo khang tak si chuan vurah a lo changa. Vur tla kan ti leh..
fridge chhungah tui i dah a.
A lo khang a.. chu chu vur i ti leh tho sia..
a nihna takah chuan tui dah khal a ni zawk..
A TLA LAI HMUH THEIH A SUR SENG SENG CHAUH HI VUR TLA A NI KHER LO.
Lo sur seng seng leh ta pawh ni se..
Dai khal ti ho chuan.. VUR TLA A NI LO
A SUR ZAWK A LAWM. AN TI LEH THO ANG..
5.
Johntea Pachuau "HEI AW VUR TLA DIK TAK CHU"
Johntea Pachuau "HEI AW VUR TLA DIK TAK CHU"
Mithiam inti țhenkhat ten Vur tla a nilove, dai tla vur a chang alawm, kan ramah vur tla hmuh tur a awmlo. Mi ramah techuan vur hi ruah angin a sur țhin a. Chung chu alawm vur tla chu tiin ansawi maw ? Vurtla antihbik kher hian belhchian a dawl bik chiah em ?. Mi rama vur rawn sur țhin pawh Dai leia lo tla tur boruaka a awmlaia boruak vawt lutukin a tihkhang vura lo chang ta vetho a ni. Chu daikhang sur mai mai chu, lei a thlen hnu a daitla vura lo chang ta hi vur a nih silova, daikhang kan ti dawn a nih chuan, engvangin nge Daikhang sur kan tih ve mai loh chuang ang le.
Daikhang sur chu vur tla a nihna a awmbik tak silo ah chuan, Hei Vur tla dik tak i hmuh duh chuan,he video clip tawite hi en mai teh. He vur tla hi chu vur dik tak boruak ațang a lo tla a ni e. Hihihi
Hei chu chuti khati ti a hnial kalh tute ka chhanna nghal chu, he vur tla dik tak hi in pawmlo a nih chuan, tuna Mizoram hmun tam taka Vur tla hi. Vur tla dik tak, kan pi leh pute hunlai ațang a VUR TLA ti a anlo sawi țhin hi, Vur tla dik tak a nihloh na pakhat mah a awmlo. Daikhang ti tlattu te tan Vur sur pawh daikhang sur tho anih avangin vur tla dik tak ka rawn entir a che u...
6. David B Lalhruaitluanga "Chanchinthar ah hian 'Vur a tla' ti leh rawh se!"
Kan ram a pipute atanga kan lo sawi dan thin hun leh thil thleng kan lo sawifiah/chhuah ve dan thin ah chuan khua a lo vawh em em a, boruak a lo vawh tak em avanga 'dai' te pawh a lo khang/khal tak thin hian 'vur a tla' kan ti thin. Hei hi thil thleng 'event' an sawina a ni in a lang. Dai kan tih hi saptawng chuan 'Dew' an ti a, dai lo khang ta hi 'frost' ti in saptawng chuan an sawi bawk a, 'frost' chu mizo tawng chuan 'vur' tihna tho a ni. Lehkha te kan zir thiam a thil dik leh nihna tak te kan zir chiang a a lawmawm. mahse, mizo tawng a hun pakhat a thil thleng sawi nan a VUR A TLA kan ti hi a sualna a awm lo. Zofate'n thlasik khaw boruak vawt tak a dai lo khang/khal ta hial mai kan sawi dan a ni ve tlat. Chuvangin, Zoramah khaw vawt a nasa ve hle mai hmun hrang hrang ah VUR A TLA hial a ni i ti mai ang u.
LalBiaksanga Bsa Hauhulh "CHANCHINTHAR AH LEH ZEL MIZORAMAH VUR A TLA TA LO" (Opposition)
Zan in Dt. 9.1.18, Zonet chanchinthar chuan tun lai khawvawh a vanga champhai leh a chheh vel a Vurtla chu "Daikhang" "Vur a chang", a rawn ti mauh mai..
English Originality a boral loh nan News channel BBC an fakawm.
Kei ni ve zawng kan News puang tu te leh a buatsaih tu ten Mizotawng minhumhalh sak a hnek in min paih bo sak hial zawk a nia.
Kan tawng neihsa pawh hi kan siambelh hleih theih lo lai a, la paih then tal tum mai.
Tawng thiam ber a maw tih tur, Zirtirtu ah tang se, pawl riat pawh zawh tir thei awm chai si lo, a rak tam tam leh a hnial peih peih an la ni zui.
Chanchinthar puan ah leh zel hetianga kan tih zel chuan Thangthar ten engtin nge Mizotawng Originalty kan tih hi an hriat teh lul ang ni.
Kan tawng neihsa hi Humhalh nachang i hre theuh tiang u..
Post a Comment