Esther R Fanai

DR. K BEICHHUA MLA chuan damlo a enkawl30.12.2017 : Pu.SC Jethana (29) rilphir puakkeh avanga din hmun thalo taka ding mek leh mangang em em,hmunpui lam panpui theih din hmun ah pawh ding tawhlo chu Siaha bialtu zahawmtak Dr.K.Beichhua MLA chuan hlawhtling takin vawiin khan a zai !



Damlo hi tuarchhel tak mai,natna pawh tawrh dam tum zel chi anih avangin a pumna pawh hi a sawi lawk duh lova,mahse,loh theih lohna avanga damdawi in an pan chuan tawng pawh a tawng peih mang tawh lo ani! Hetih lai hian Dr.K.Beichhua MLA chuan a bial lamah Christmass a hmang mek tih hriain damlo chhungte hian ngenngawl takin an va bia a, tlawmngai takin Pu Dr.K Beichhua MLA chuan a zai ta ani.A tlawmngaihna leh bial mipuite tana a inpekna hi a ropuiin a bial mipuite tan a thlamuan thlak hle ani.Damlo hi a BP a that loh mai bakah a khua a sik nasa hle a, a kal (Kidney) pawh failed thei reng din hmunah a ding a ni ,chhete pawhin tlai deuh se chuan engang din hmunah chiah nge a din ang tih pawh ngaihtuah thiam har tak ani.Siaha khawpui hi chhim tawpa awm kan ni a, emergency thil ah phei chuan damlo refer te tan Aizawl/Hmunpui lama kal mai tehi a huphurhawm em em a,Kawng chhe bawk si,thui bawk nen, kawng chhiaa inphurh hlum pawh ahlauhawm hle thin ani. Chuvang chuan kan sorkar pawh hian min ngaihsak ve deuh rawhse tiin kan MLA chuan a phut hle ani.
DR. K BEICHHUA MLA
Pathianin tanpui se Pu SC Jethana pawh dam tha tak a Damdawi in a chhuahsan kan beiseipui tlat ani.

Siaha Civil Hospital ah hian Doctor, Surgeon pakhat leh emergency a nau zai thei pakhat chiah kan neia, Surgeon kan neihchhun hi Med Sup ani a, Training leh eng eng emaw tulna avangin awmna ngaiah awm reng thei ani bik lova,mihring nih chuan thil pawimawh tak,chhungkaw thil te an nei ve a,tunah pawh christmass leh kum thar thil avangin a awmloh lai ani a,hetia surgeon awmloh lai tak hian kan bialtu hi a lo awm ve leh zel thin bawk avang hian mi tam takin an lo vanneihpui ve thin bawk ani.Siaha Civil Hospital Surgeon(Med Sup) hi pa tlawmngai leh thawkrim em em anih avang hian Siaha bial mipuite pawhin kan fak thin hle ani.

District thenkhat te chuan Doctor an neih thatloh avangte hian lungawilohnate an lantir hial ani a,keini dist upaber te zinga mi hian vawiin niah chuan hetiang din hmun hi kan tawng fo ta mai chu ani a,Kan sorkar chak tak hian min han ngaihsak ve deuh se tih hi kan ngenna pawh ani e!

Thubelh : Mass leh Kum thar vuakvet ah pawh kan bialtu MLA te nupa hian zing leh tlaiah an chenna in lamah hian miharsa damlo mangangte damdawi athlawna pek leh en an nei reng ani.Mipui rawngbawl hi Pathian rawngbawl tluk tho hian a ngai pawimawh em em bawk thin ani.

Post a comment

Powered by Blogger.