GAUHATI HIGH COURT ORDER AVANGIN LAND ACQUISITION CHAWLHSAN RIH - TIMES OF MIZORAM

Breaking

Home Top Ad

Post Top Ad

GAUHATI HIGH COURT ORDER AVANGIN LAND ACQUISITION CHAWLHSAN RIH

GAUHATI HIGH COURT ORDER AVANGIN LAND ACQUISITION CHAWLHSAN RIH A TUL AVANGIN HE ORDER IN A NGHAWNGTE HRIATTHIAMNA REVENUE DEPARTMENT-IN A NGEN

Gauhati High Court, Aizawl Bench (Single Bench) chuan, WP(C) No. 20/2014 leh WP(C) No. 30/2014 (Lunglawn, Lunglei a Assam Rifles tana ram lâk (acquire)sak te’n Right to Fair Compensation, Transparency in Land Acquisition, Rehabilation and Resettlement Act, 2013 (RFCTLARR Act) hnuaia an ram lâkte compensation pêk an duh thu an thlen chungchanga Order dated 15.11.2017 a siamah, Mizoram Sorkar-in Article 371G-in a humhalhna hnuaia a lo siam, Mizoram (Land Acquisition, Rehabilitation and Resettlement) Act, 2016 (MLARR Act, 2016)chu President of India pawmpuina a awmloh avangin Mizoram chhunga hman theih loh a nih thu leh, Lunglawna ram neitute pawh Compensation pêk tur ang ang chu Order chhuah aṭanga thla 4 (li) chhungin assess fel a, thla 3 (thum) dang leh chhungin a dawngturte hnenah pêk vek tur a nih thu a chhuah a.


He High Court Order avang hian Mizoram State chhunga MLARR Act, 2016 hnuaia land acquisition kalpui mêk zawng zawng chu chawlhsan nghal a ni a. Mizoram Sorkar chuan Gauhati High Court, Division Bench-ah Single Bench Court Order-a MLARR Act hnawl a nihna thu hi rang takin a Appeal nghal a. Appellate Court hi rei rial lova thutlûkna Order chhuah thuai tura ngen a ni a, Land Acquisition hmalâkna pawh chhunzawm thuai beisei a ni. Land Acquisition chawlsan lailâwkin harsatna a thlensakte’n an lo hriatthiam beisei a ni bawk e.-DIPR

No comments:

Post a Comment

Post Bottom Ad