Hmeichhiate tan thi nei chungchanga hriatturEsther R Fanai



Tun tumah hian Times Of India health section-in hmeichhe thlatin hunbi chungchanga hriattur pawimawh ni a an sawi te kan rawn tarlang e.
Thlatin hunbi neih hian reproductive system-in hna a thawk tha tihna a ni a, i hunbi neihah thil danglam a awm a nih chuan taksa lamah harsatna i nei tihna a ni thei.


HMEICHHIATE TAN :  THLATIN HUNBI CHUNGCHANGA HRIATTUR PAWIMAWH

Entirnan :

THLATIN HUNBI CHUNGCHANGA HRIATTUR PAWIMAWHA nasa lutuk emaw, i awl emaw, a na viau emaw, a tlem lutuk emaw te pawh a ni thei. A tlangpui thuin a rei zawng hi ni 4 atanga ni 8 te pawh a ni thei a, hmeichhe thenkhat chuan ni 8 hnuah tlem tlem (spotting) an la nei thei.

Thenkhatah a rei a, thenkhatah a rei lo a, thenkhatah a tam a, thenkhatah a tlem. Chuvangin mahni inhriatchian a pawimawh hle a ni.
Thlatin hunbi neih tan tirh lamah chuan a mumal lo thei a, mahse, kum 20 vel kai chinah chuan a cycle hi a mumal deuh tawh thin a, a awm hun te, a rei zawng leh a tam dan te pawh a chhinchhiah theih deuh tawh. A tlangpui thuin menstrual cycle hi ni 28 vel a ni thin a, mahse, hei pawh hi hmeichhe hrang hrangah a danglam thei.
Chuvangin, i hunbi chu a tam leh tam loh lam emaw, a awm hun emaw lama buai ai chuan thildanglam thleng a awm em tih ngaihven zawk tur a ni.
1. I thlatin hunbi chu a khât thut emaw a tawp thut emaw a nih chuan, i kum a zirin a pawimawh thei. Kum 20-30 vel nih chuan nau pai tihna a ni thei. I inveng viau a nih pawhin nau i pai leh pai loh in-test ang che. Kum 40-50 velah chuan menopause hnaih tawh vang a ni thei.
Thla 12 chhung a zawn zata i hul a nih chuan i menopause tihna a ni a. A tlangpui thuin kum 51 velah an menopause a, a aia hma leh tlai deuh te pawh an awm tho.
2. Exercise lak nasat lutuk avangin thlatin hunbi a mumal loh phah thei.
Hmeichhe infiammi thenkhatah pawh hei hi a thleng fo a, *exercise-induced amenorrhea* an ti.
3. Hmeichhia ei leh in lama insum nasa lutuk, anorexia nervosa (thau hlau, thil ei tlem lutuk vanga cher telh telh) leh *bulimia* (thau hlauh vanga thil ei zawha inkawm luak thin) te hi an thlatin hunbi a mumal lo duh.
Taksain a mamawh khawp chaw a hmuh loh chuan *reproductive hormone* insiam tur a nghawng a, chu chuan menstrual cycle a tibuai thei ta thin._
4. Thyroid, pituitary gland disorders, nau hnute pek, thau uchuak, oral contraceptives, stress, polycystic ovarian syndrome, hormone imbalance, ovarian failure leh uterus natna dang avangin thlatin hunbi a mumal lo thei.
*Oral contraceptive* (naupai lohna damdawi ei chi) hi chuan a tlangpui thuin thlatin hunbi tih tawp aiin a chhuak a ti tlem zawk thin.
5. Thi a chhuah nasat hian kan taksain thisen siam nana a mamawh iron a hloh hnem a, iron kan tlakchham chuan kan red blood cell count a lo tlahniam a, thisen tlakchham vanga dawldang te a thlen thei a, thawhah leh zawi ngaiwh ngawihna te pawh a thlen thei.

Thi chhuak nasa chu a chhan chi hrang hrang a awm thei a:

-Chhula bawk awm vang

-Nau chhiat emaw chi kawnga naupai
-Indanna damdawi thlak vang

6. Thlatin hunbi neih hun inkarah thi chhuak a awm chuan a rang thei anga doctor rawn tur a ni. Hei hi serh chhunga infection awm vang emaw, indanna ei theihnghilh vang emaw, chi kawnga naupai vang emaw cancer vang emaw te pawh a ni thei.
7. Hmeichhe thenkhat chuan an hunbi neih laiin hrehawm leh na an tuar lo a, thenkhat tan erawh a na viau thei. Na hian ni 1-2 vel a awh tlangpui a, thenkhat phei chuan hna te pawh an thulh phah hial thei.
Hetianga hunbi neih laia na hi dysmenorrhea an ti a, kawthalo te pawhin a zui thei a, luak chhuak, lu-na leh kawng na te pawh an nei thei. A na hi thenkhatah chuan endometriosis emaw fibroids emaw vang te pawh a ni thei.
8. I hunbi chu a mumal loh a, ni sarih chhung thi chhuak a nasa hle a nih chuan doctor rawn thuai tur a ni.
9. I hunbi chu thla eng emawti chhung ni 21 ral hmaa a rawn inher chhuak thin emaw, ni 35 hnuah a rawn inherchhuak thin a nih chuan doctor rawn ang che.
10. I hunbi neih laia nidanga i hriat ngai loh na a awm thar a, i hunbi kar laka thi chhuak a awm chuan doctor rawn ang che.

Post a Comment

  1. Thlatin thi ka nei a,,mahse ni 3 ang te hi pangngai a ka neih ania,,a chang hian thi put ang mai hian tam deuh deuh in a rawn chhuak aa,,na vel chu a awm chuang lo,,enge a chhan ni ang,,khawngaih in min lo chhang hram teh ka rilru a hah thei lutuk aa,,kan harsa ve sia in entir na tur pawisa kan nei silo

    ReplyDelete
  2. Great Information sharing. I am very happy to read this article. thanks for giving us go through info. Fantastic nice. I appreciate this post.
    hormone imbalance symptoms

    ReplyDelete

Powered by Blogger.