![“PU LALBIAKZUALA ENKAWLNA MAN TUM SAK A NI ANG” – HOME MINISTER cm hawla vengtuten driver kutthlak](https://blogger.googleusercontent.com/img/b/R29vZ2xl/AVvXsEgYuKRyll29k8TaG7UzNXyu1Km82ySTX4Kfx6wsxxwZiR_ETB6dnjOhzNCG8Uro_pTkW4e1_MQbAtoyrb5laWvS3v07Sl7zNwBdlBKrOfs7PU5aYwjp2A4bHcw6o2ORGJxu3WFOxQDLQ94/s320/chanchinthar+tulachhung.jpg)
Home Minister ho hian January ni 22, 2018 tlaia Serkhan a thil thleng chungchang Addl. SP (Security) hova an chhuichianna video chu thlirho niin, security motor inlehpelh theihna tur hmun remchang tam tak a awm tih hmuh a ni.
Home Minister chuan ngun taka an thu leh hla a ngaihthlak in an thiam loh naah in ngaihdam tawn a duh thu a sawi a, amaherawhchu thil pumpelh theih a nih laia Pick-Up driver in kut a tuar chu pawi a tih thu sawiin, amah enkawlna hospital bill zawng zawng pawh sorkarin an tum sak tur thu a sawi. Home Minister chuan he thil thleng atang hian mipui pawhin thil zir tur kan nei tel a, kawng laka lirthei pass kan in dil chhan tam tak a awm thei a; damlohna avangte, sahimna tur atan te pawh a nih theih avangin VIP an ni emaw ni lo emaw, pass nachang hi lirthei khalhtuten kan zir thar a ngai a ni, a ti a. Police-te pawh dan lek kawhtu an nih angin an hnathawhnaah te hawihhawm zawk leh nelawm taka mipuite nen an indawr theihna turin tan lak thar ngaia a hriat thu a sawi bawk.
Minister chuan media lama hemi chungchang thu dik tawklo darh nasa chu pawi a ti a, hetiang thu theh darhtute pawh thuchiang an hriat hma chu lam tang nei zawnga thu dik tawklo theh darh tawhlo turin a ngen bawk.
Vawiin khan IGP Pu Zorammawia hovin Pu Lalbiakzuala hi tlawhin hmanchawp tur cheng singnga an pek bakah a chhungte nen a inenkawlnaa hmalak zel dan tur an sawiho bawk.-DIPR
Post a Comment