EPTU PARTY TEN KAN SORKAR HI SAWICHHE THIN MAHSE, INDIA RAMAH STATE HMASAWN THA BER ZING AMI KAN NI - 

Pu Lal Thanhawla CM


lalthanhawla thusawiNghaki Chawngthu

MPCC President Pu Lal Thanhawla chuan "Eptu party ten kan sawrkar hi sawichhe thin mahse India ramah hian state hmasawn tha berte zinga mi kan ni" a ti.
Zirtawpni khan MPCC chuan Congress Bhawan-ah Poliutical Session an nei a, he hunah hian MPCC President Pu Lal Thanhawla Chief Minister, Minister-te Pu John Rotluangliana, Pu Lal Thanzara-te leh Pu T. Sangkunga MLA ten thu an sawi a ni.



Pu Lal Thanhawla chuan, "Eptu party ten kan sawrkar hi sawichhe thin mahse India ramah hian state hmasawn tha berte zing a mi kan ni, keini sawi mai ni lovin sawrkar laipui agency hrang hrangte tehna atanga chutiang dinhmuna awm chu kan ni a, Central sawrkar aia GDP-ah kan sang zawk pawh hi chhuan tlak a ni,” a ti. A sawizelnaah Pu Hawla chuan "India ram state zingah chaw khawpkham lo, ei leh bar tlachham tlemna ber state kan ni a, Heng zawng zawnga kan hlawtlinna hi economist ho pwhin tha an tih em em, NLUP leh NEDP vang a ni. Power lamah chuan MW 42 pe chhuak thei tur Tuirini chu hnaivai taka kan hmachhawn leh tur a ni a. Hmanni lawka PM in a rawn hawn Tuirial HEP pawh kan dilna leh hmalakna te avangin beisei aia tlawmin mahin kawlphetha siamchhuah pawh kan pe chhuak thei dawn niin a lang,” a ti.

Supply Minister Pu John Rotluangliana chuan "Two-wheeler Taxi permit kan pe chu kan ti fuh hle a. Population mil deuh a tih kan duh avangin permit pekchhuah kan ti tawp rih a ni" a ti a. “Buhfai leh gas chungchangah harsatna kan nei rih lova. Buhfai pawh fur a mi tur la khawl turin kan buaipui mek a, thlatin buhfai quintal nuai 1,25,000 kan sem a ni” Minister chuan a ti.
Pu T.Sangkunga MLA chuan, a bial chhunga programme pawimawh hrang hrang a telna chanchin sawiin, a bial chhungah mithar thahnem tak an lawm luh thu a sawi.
Political Session hi Gen. Secretary Pu R.L. Valla Ex-Minister-in a kaihruai a, report hrang hrang ngaihthlak a ni bawk.

Post a comment

Powered by Blogger.