Mizoram Cultivator & Labour Union-in Revenue Law copy an halMizoram Cultivator & Labour Union (MICLUN) chuan, The Mizoram Land Revenue Law 2014 chu Mizo mipui tan a ṭha lo nia ngaiin, nimin khan Archive Hall bulah a copy an hâl. 

MICLUN president KC Lalliana chuan, Mizoram Land Revenue Law 2014 hâl a ngai chu vanduaithlak a tih thu a sawiin, "He dan hmang hian LSC nei turin in ding a nih a ngai a, in ding awm lohna chu LSC pek theih a nih loh thu a chuan bakah, AMC dan ding lai nen a inkalh avangin mipui tan eng zawk nge zawm tur tih hriat a har hle a ni," a ti.

KC Lalliana sawi danin, The Mizoram Land Revenue Law 2014-ah hian luipui aṭanga meter 800 huam chhunga ram neite tan LSC renew leh kutthlak phal a ni tawh dawn lo a, Forest department chu mawhphurtu an ni.

Revenue dan hman mekah ram leituin a hminga a dah dawnin kum 10 tal a nghah a ngaih tur thu a chuang a, ram lei tuin a lei rualin a hming a thlak thei ngei tur a ni tih chu MICLUN ngaih dan a ni.

MICLUN chuan, The Mizoram Land Revenue Law 2014 chu siam ṭha ngei turin sorkar an phût a, hmalakna a awm loh chuan na zawka sorkar nawr an tum a ni. 

Post a comment

Powered by Blogger.