Indian Super League (ISL) table hnuai ber dawta awm mek NorthEast United FC chuan coach Joao de Deus Pires chu a hna aṭangin an ban. Portuguese coach hmun ruak hi goalkeeping coach Joseph Siddy chuan a hnawhkhat lailawk rih dawn a ni.
NorthEast United FC hian ISL dintirh aṭangin knockout stage an la lut phak ngai lo a, tun season-ah beiseina sang tak nen hma an la. July thla khan Joao de Deus Pires hi an lalut a, beisei angin an khel lo. League match sarih an khelh tawhah goal hnih chiah an la khung a, an mahni lamah goal 12 a lut thung - point li hmuin an hnuaiah Delhi Dynamos chiah an awm.
Post a Comment