Sahitya Akademi bultumin Pachhunga University College-a Mizo department leh Mizo Poetry Society (MPS) ṭangkawp chuan nimin khan PUC Seminar Hall-ah 'Second Poetry Festival for Young Mizo Poets' an buatsaih a, minister Vanlalawmpuii Chawngthu-in a hawng.
Vanlalawmpuii Chawngthu chuan, Mizote chu zai leh lam ngaina hnam an nih thu sawiin, "Pathian fak nan te, lungngaite thlamuan nan te, kan hlim leh lawmna puan chhuahna atante kan zai a, lirtheia chuanhonaah thleng kan zai zel a ni. Hetianga sak tur hla ṭha tak tak phuahtute hi an ngaihsanawm hle. Khawvel pawhin poetry a ngaisang a, chuvang chuan UNESCO pawhin March 15 chu World Poetry Day-ah an puang a ni," a ti.
Poetry Festival inkhawm hi MPS vice president C Vanhmingliana'n a kaihruai a, president Prof. RL Thanmawia'n poetry chungchang a sawifiah. Festival-ah hian ṭhalai hla phuah thiam mi 50 vel an tel a, an poetry phuahte an chhiar chhuak a ni. Festival hi vawiinah chhunzawm a ni ang.-Vanglaini
Post a Comment