Lunglei Additional DC Pu Benjamin LalzamaVawiin chhun dar 12:00 khan Lunglei DC Conference Hall-ah Lunglei Additional DC Pu Benjamin Lalzama, kaihhruaina hnuaiah Lungleia Republic Day vawi 69-na hman dan tur rel a ni a. Lungleia  sawrkar department, zirna in hotute, chanchinbu mite leh tlawmngai pawl hrang hrang aiawhte an tel.

Meeting chuan Republic Day lawmna hi Thuamluaia Mual-ah chawhma dar 10:00 ah hman ni se tiin a rel a, khuallian atan District Bawrhsap Pi Lalzarmawii, IAS chu ruat a ni. He hunah hian kum dang ang bawkin parade contingent hrang hrang– armed, unarmed, school leh band party ten Ceremonial Parade neiin hnam puanzar chibai an buk ang. Lunglei SP kaihhruaina hnuaiah Parade endiktute ruat ni se tih Commitee chuan relin a  ti thate hnenah lawmman sem leh ni se, tih a ni. Tin, he ni pual hian Football, Volleyball leh Table Tennis tournament buatsaih a nih dawn bakah Lungleia Home hrang hrang leh Distrcit Jail-ah thilpek hlan a ni bawk ang. Tlai lamah VIP At Home Dinner, Bawrhsap chenna tualah neih tura ruahman a ni bawk.


Pu Benjamin Lalzama chuan India ram tana ni pawimawh berte zinga mi Republic Day ropui leh hlawhtling taka Lunglei District-a hman a ni theih nan kalkhawmte chu an chanpual theuh ngai pawimawh a thahnemngai taka thawkho turin a chah a. Hlawhtling taka he ni hman a nih theih nan sawrkar Department hrang hrangte chu tih tur chanpual ruahman sak niin inbuatsaihna hi kalpui tan nghal tur a ni.-DIPR

Post a comment

Powered by Blogger.