thalai huang chanchinthar savdhann india'Savdhaan India' avanga Mizo mipuite hmelhriat, Indian actor leh telivision presenter Sushant Singh chu Mizoramah a lo kal dawn.



January 23-25 chhung hian Indian Film Festival Mizoram neih a ni dawn a, hetah hian film siamtu lar tak tak an lo kal dawn. India ram mai ni lo Italy aṭangin film director-te pawh an lo lang dawn a, Mizo mipuite ngaihvent ur erawh chu Susanth Singh hi a ni ang.
Savdhaan Vanapa Hall!
January 23 tlai lamah Indian Film Festival Mizoram hi Vanapa Hall-ah hawn a ni dawn a, hetah hian Sushant Singh hi a inlan ang. Mipui a duh apiang tan he flim festival hawnna inkhawm hi chhim theih a ni ang.
Innovations India lam chuan Mizote hmelhriat mi lar chah luh ngei tumin ṭan an la a, Sushant Singh hi a buai vanglai tak niin Republic Day-a chhuah tur Savdhaan India atana shooting an neihlai ni mah se, sawmna ngai pawimawhin Aizawlah a lo kal dawn tih a tichiang tawh a ni.


Tu nge Sushant Singh chu?
'Hmuihmul nei pa' hi kum 45-a upa a ni tawh a, March 9, 1972 khan Bijnor, Uttar Pradesh-ah a piang.
Savdhaan India star Mizoramah Sushant Singh!A nihna chiah pawh hi tun hma deuh chuan 'actor' tih a ni mai a, tunah hi chuan a larna lam chu TV show host a ni ta deuh ber. Tunah hian Cine and Television Artists Association (CINTAA) lamah honorary secretary a ni mek.
1998-a film lama lut ṭan Sushant hi kum 2000-a Jungle film avangin hriat a hlawh chho hle a - Jungle-ah hian Sunil Shetty leh Urmila Matondkar-te nen an chang ho a, misual lamah changin hming a chhe hle - he film hian Bollywood Movie Award for Best Direction a dawng nghe nghe a ni.-Vanglaini

Post a comment

Powered by Blogger.