tualchhung chanchin lawngltaiVawiin khan Lawngtlai DC Conference Hall-ah Lawngtlai District-a ICDS project leh school education department-a thawktute tan Measles-Rubella campaign chungchang zir hona (sensitization) chu Bawrhsap Dr Arun T., IAS hovin neih a ni.

He hunah hian Lawngtlai District-a sentut hri danna pek beihpui thlak (Measles-Rubella Vaccination Campaign) kalpui dan tur sawi ho a ni a. Tun hmaa sentut (measles) hri danna chauh pek thin chu, MR campaign hnuaiah hian a inkawpin sentut leh sentut-fang (measles-rubella) vaccine pek a ni tawh dawn a. Naupang thla 9 atanga kum 15 inkar tawh phawt chu, sentut an vei leh vei loh emaw, hri danna an lak tawh leh la lak loh emaw pawh sawi lova hri danna hi pek vek tum a ni a. Target group-te hi anganwadi leh school zirlaite an nih avangin hlawhtling taka campaign neih a nih theih nan ICDS Project leh school education lama hotute chu he hunah hian koh khawm a, zirtirna pek an ni.-DIPR

Post a Comment

Powered by Blogger.