MNF Vice President Dr R Lalthangliana Thusawi"MNF kum 9 kan opposition chhungin Mizoram mamawh leh intodelhna tur kan ngaihtuah a, kan zir chiang"


- Dr R.Lalthangliana

Vawiin Dt. 17.2.2018, Inrinni khan Dr. R. Lalthangliana, MNF Vice President chuan Suangpuilawn-ah SEDP Training a neihpui a, Pu Lawmthanga, President, Zoram Decentralization Front (ZDF) leh MNF hotu engemaw zatin an á¹­awiawm a, Suangpuilawn tlangdung khaw hrang hrang aá¹­angin MNF workers engemaw zat an kalkhawm a ni.

Thusawitu Dr. R. Lalthangliana chuan, "Tuna Congress sorkar hian police battalion pakhat mah an din loh laiin, MNF khan police battalion 4 tawp kan din a ni. Kan sorkar laia sikul 337-te dinhmun sang zawka daha upgrade-tu kha MNF sorkar a ni. Kan sorkar lai khan sikul naupang mi nuai 1 leh sing 6 an awm a, nitina an chawchhun (mid day meal) petu kha MNF sorkar a ni. Aizawlah kan lut a, Ṭhuampuiah Ch.Chhunga Bus Terminal siamtu kha MNF a ni. Millennium Centre-ah in lut a, step kal thei leh elevator te a lo awm ṭup a, MNF siam vek a ni. Khatla kan thleng a, New Capital Complex-ah sorkar building ṭha tak tak a lo ding khir en un a, MNF sorkar siam vek a ni. MNF-in hmasawnna a thlen kha sawi sen a ni lo," a ti.

Dr. Thangtea chuan, "Congress sorkarah chuan in hma lam a èng lo hle a, Pathianin sorkarna min pek chuan helai tlangdung hi chu kan su èng vek dawn a ni," a ti a. "MNF-in Hindi zirtirtu 1187 kan la a, kan sorkar a tawp chiah a, an ban vek. Tun hnaiah Hindi zirtirtu 1305 ban an ni leh a, Central Minister a lo kal a, lak leh an ni mai thei an ti a. Mahse, kum a vei a, tun thlengin lak leh an awm lo. MNF sorkar laiin SSA zirtirtute khan hlawh lak theih loh an nei ngai lo va, tunah chuan thla engemaw zat hlawh an la thei tawh lo a ni. Heng harsatna zawng zawng sutkian a nih theih nan sorkar a inthlak a ngai a ni," a ti bawk.

MNF Vice President Dr R Lalthangliana chanchinPu Thangtea chuan, "Congress party-in thil tam tak dik lova an lo ti a nih pawhin keini chu 'Pathian leh kan ram tan' titu kan nih avangin kan tan tih ve a rem lo. Kan party mite pawh Pathian malsawm tlaka kan awma taima leh rim taka kan thawh chuan sorkarna kan chang ngei dawn a ni," a ti a, "MNF kum 9 kan opposition chhungin Mizoram mamawh leh intodelhna tur kan ngaihtuah a, kan zir chiang a. Kan SEDP pawh hi expert committee, mithiam 16 awmnate'na kum hnih chhung uluk taka an duan a ni a; mipuite'n eizawnna ngelnghet zawk kan neihna tur te, kan khawsak lo awlsam zawkna tur thilte tam tak a awm a. A tawp thlen leh hlawhtlinna an chan ngei hi SEDP-in a tum a nih avangin sum lengvak a tam dawn a, chuvangin Mizoram Development Bank kan din ang a, khaw tam takah chu chu kan dah dawn a ni," a ti bawk. He hunah hian Pu Thangtea chuan Khawlek khua aá¹­anga MNF zawm thar voters 58 a lawm lut a ni.

SEDP Training programme hi Pu Laikunga, President, Chalfilh West Block MNF-in a kaihruai a ni.

Pu Thangtea chuan vawiin tlai khan Khanpui-a party worker kalkhawmte hnenah SEDP Training a nei leh a ni. Vawiin vek khan Dr. Thangtea chuan Tuirini lei chim a tlawh a, "He lei hi khaw tam tak tana lei pawimawh, inkalpawhna pawimawh tak a nih avangin sorkarin ngaihtuahna thar a neih a ngai hle a ni," a ti. Pu Thangtea chuan he lei chim avanga nunna chân ta, Pu HC Lalfakzuala, Sesawng khua chu an chenna hmunah a ral nghal a ni.

(LALLENMAWIA JONGTE)
Joint Secretary
Media & Publicity Dept
Mizo National Front
Memo No.MNF/Media/01/2018/175
Dt.17.02.2018.

Post a Comment

Powered by Blogger.