Mizoram Sorkar leh HPC(D) inbiak hun sawnMizoram sorkar leh Hmar People Convention (Democrat)-te inbiak hun tura ruahman March 5, 2018 chu inbe turteah hman lo an awm avangin March 7, 2018-ah sawn a ni a, State Guest House, Aizawlah an inbia ang.

Home minister R Lalzirliana hnen aṭanga Vanglaini thu dawn danin, Mizoram sorkar leh HPC (D)-te political level-a an inbiakna turah hian Mizoram sorkar aiawhte chu political adviser to chief minister Lalrinmawia Ralte leh Mizoram Law Commission chairman John Siamkunga, MLA ten an ho dawn a; official level-a inbiaknaa telte bakah, inremna atana pawimawh tur sorkar sec­retary-te pawh an tel ang.


HPC(D) lam chuan inremna neih huna inlawm luhna hmun atan Sakawrdai an duh a, Mizoram sorkar lam chuan CTI, Sesawnga in lawm luh an duh thung.

Mizoram sorkar leh HPC(D)-te hi official level-ah chuan ṭum eng emaw zat an inbe tawh a, a thuphungin an inrem tawh a; inremna tak tak siam tumin political level-ah an inbe leh dawn a ni.

Post a comment

Powered by Blogger.