Jason Becker-a fans te tan aw (in mi ngenna ngai pawimawhin ka han dahchhuak ani e)
Kum 28 lai ALS natna tuar tawh Jason Becker hi a hming tak chu Jason Eli Becker ani a, 22nd July 1969 khan Richmond, California, USA ah a lo piang a. Amah hi American heavy metal guitarist leh composer ani a, kum 16 anih khan Shrapnel Records in a produce Cacophony band ah a thianpa Marty Friedman nen an awm dun a, he an band hming hian album "Speed Metal Symphony" tih 1987 khan an release a, a kum leh 1988 ah album pahnihna "Go Off!" tih chu an release leh a ni. Heng an album tihchhuah pahnih te hi Neo-Classical Metal lam an ni a, a hunlai leh vawiin thlenga guitar-duo album ah chuan classic tling ani.
Cacophony hi an lar vanglai takin kum 1989 khan an kehdarh a, solo lamah an kal ta hlawm ani. Jason-a hian kum 1988 khan, kum 19 mi chauh niin a Solo album hmasa ber "Perpetual Burn" tih chu a release a (he album hi khawvel guitar album ah ka duh ber te zinga mi ani - David Z Hmar) he album pawh hi an band Cacophony album release na Shrapnel Records atang tho in a tichhuak a, hla thenkhatah a bandmate, a thianpa Marty Friedman pawhin a pui a, an in zut chhawk nual ani, a ngaihnawm khawp mai.
(Perpetual Burn album a drums vawtu hi mihang drummer bon Atma Anur ani a, vawiin thlengin he album a a kuthnu avang a ka ngaihsan vangin Insta leh fb velah pawh ka follow phah nghe nghe a ni - David Z Hmar)
Jason-a hian David Lee Roth's band a zawm leh a album pakhat "A Little Ain't Enough" tih a record pui hman a, mahse vanduaithlak takin natna khirh leh vang tak mai "amyotrophic lateral sclerosis (ALS) a vei ta tlat mai a, he natna hian a tihrawl te a tichhia in a aluangral ta emaw tih mai turin a tisa mam nalh tak te chu a ei cher chhe ta vek deuh thaw ta mai a, tichuan, lungchhiatthlak takin a music zinkawng chu a that vanglai takin a tawp alo ngai ta a ni.
kum 1996 alo in herchhuah meuh chuan tawng pawh a tawng thei tawhlo a, a mit hmang chauhin biak theih ani ta a ni. Jason Becker-a pa hi a bon ka ti em em a, a chhan chu a fapa hi a natna tawrh avangin reilo te ah an in be tawn thei tawh dawnlo ani tih a hriat khan, a fapa mitmeng harh leh rilru fim si kha a hmu khiau a, tichuan, a mit tihchet dan a zira A,B,C a spell theih dan tur a duang chhuak ta tawp mai a, chu chu jason-a zirtir ta ngat ngat in vawiin thlenga amah biak nan leh midang a biak let nan he a system developed a hi hman ber alo ni ta a ni.
Jason-a hian a natna tawrh avanga mi a phak tawh lohna chu in pawhbeh tir lo in, a pa in a design sak tho a khabe tlemte a a tihchet theih lai hmang tangai in computer mouse nen a thlunzawm in music a phuah chhunzawm leh ta a, heng a music phuah te hi musician dangin play sak in a solo album hmasa ber a release na Shrapnel Records atang bawkin a collection album a hla duh ho leh a phuah thar hla pathum a ti tichhuak leh ta a ni.
Tunah hian thuthleng ah a thu mu tawp tawh a, sawi tawh angin a taksa chu ruhkawl hlang ani deuh ber tawh mai, mahse chuti chung chuan music phuah a bang chuanglo, a hla "End of the Begining" tih phei chu ka duhzual hle mai, he hla ah hian khawvel guitarist lar leh turu Michael Lee Firkins chuan tingtang a perh a, a phuahtu a bon bawk a, a mawi kher asin. He hla a tingtang play tur hian Jason-a hian Michael Lee Firkins hi a thlang a, a guitar tone, phrasing etc etc a mawi lutuk a... Comment lamah sawi chhunzawm teh u.
Jason-a hla i duh ho leh Cacophony hla te pawh hrut telin comment lamah han sep rawtui teh le.
-David Z Hmar
-David Z Hmar
Post a Comment