Zo Ri-mawi International chuan Tahan khawpui leh a chhehvelah Children In Need Charity mobile concert an buatsaih a, Zofa Integration programme an huaihawt bawk.
Zo Ri-mawi International leh Tahan Tlawmngai Thisen Pe Pawl (TTTP) ṭangkawp chuan mobile concert hi Tahan-a khawpui pali-ah an huaihawt a, hlut a hlawh viau. February 20 zan khan Khampat hmuna naupang chanhai leh rethei mangangte pualin 'Children In Need Charity concert' neih ani a, heta sum hmuhte hi naupang tanpui ngaite leh tar enkawltu neilo hnenah pek a ni. Programme zawng zawng hi Live-a pekchhuah ṭhin a ni bawk.
Heng bakah hian LZI leh LYA-te nen ṭangkawpin Letpanchhawng Comunity Hall-ah charity mobile concert an huaihawt a, Mizoram aṭanga kalte hian 70th Chin National Day an hmanpui bawk.
Tahan-a an chamchhung hian Evangelical Methodist Church hruaitute sawmna angin Biak Inah thusawi rawngbawlnate annei a ni. Mizoram aṭang hian zaithiam - Zualbawihi, Baby Z.Tlau, leh midang eng emaw zat an kal a ni. -Vanglaini
Post a Comment