Mizoram election 2018 inthlan

ZORAM PEOPLES MOVEMENT

(Tangrual Pawl)
General Headquarters
Treasury Square, Aizawl;Mizoram
PRESS RELEASE NO 4 of Dt 2/02/2018




ZPM chhung inkhawmah  Rev. Lalzuithanga leh Vanneihtluanga


Vawiin (dt.2.2.2018) Zirtawpni Zoram People’s Movement (Tangrual Pawl) chhung inkhawm ZPM Office-a thusawitu Vanneihtluanga chuan “Kan ram hi kan la chhe vek lo, beisei tur a la awm a ni” a ti.

Vanlalhlana (Ex-MLA) MPC Sr. Vice President kaihhruai ZPM chhung inkhawma thusawitu Vanneihtluanga chuan, “Congress leh MNF sawisel hian kan ram a siam tha lo. Insawiselna hian kan ram a siam tha lo a, kan Minister zingah pawh ‘sem policy’ aia ‘thawhrim policy’ tha ti zawk an awm ang. Kan officer zingah pawh eiruk duh lo, mifel an tam, Mizo tlangval vote thlak dawna Ui talh sak mai avanga an vote ba lo thalai an tam, tute emaw Buh phurh sak mai avanga an vote kher ba lo mifel an tam, kan felna hmangin ram i siam ang u tiin Zoram mipui ka sawm a ni” a ti.

Ram siam turin tanrual a pawimawh thu sawiin Vanneihtluanga chuan, “Kum 5 sorkar tur lek hian i tangrual lo ang u, kan hnam chhan tur tak tak hian i tangrual ang u” a ti a. “He ramah hian ram siam turin kan te lo, tuna tangrual pawl ngawt hi kan ni lo, ram siam duhtu an lo tel zel dawn a ni” a ti bawk.

Hunserh hmangtu Rev. Lalzuithanga chuan ZPM chungchangah “Hetianga ram veitute infuankhawm thawm ka hriat hian ka lawm hle a ni” tiin“Sorkar, kohhran, Tlawmngai pawl (NGOs) lungrual taka kan kal loh chuan sorkar hi thui tak a kal lo ang. Chumi khaikhawmtu chu Pathian a ni” a ti a. “Nangni inchetsual leh chuan beisei tur kan nei tawh lo ang, keipawh ka beidawng lek lek thin a ni” tiin, “Vawiinah hian kan kulh hi a chim mek a, kan party, kan hotute engemaw thil dikhlel an tih a, kan party a nih avanga an thlavang kan hauh nghal ringawt te hi kan tihtur a ni lo. Chutiang anga ZPM hi a kal a nih chuan kei chu ka beidawng nghal ngawt ang” Rev. Lalzuithanga chuan a ti bawk.

Zoram People’s Movement (Tangrua Pawl) hian kartin Zirtawpni apiangin ZPM Gen. Hqrs. Office, Treasury Square-ah chhung inkhawm kan nei thin a ni.

(ROTHUAMA SAILO)
Secretary
Publicity Committee
ZPM Gen. Hqrs.
Aizawl;Mizoram

Post a Comment

Powered by Blogger.