David Sailo


1. MIHLUN - 

Mihlun chi thum an awm.
MIHLUN NEINUNG :
A neinung ho chu sumdawng ni tlangpuiin an lian hle a, an fate erawh an tih tlak meuh lo. Zu leh No.4 chhuah tirh lai manto lai nen an in nanga an fate lamah chhuantur an nei lova eithladuakate an an ni tlang pui. In/Ram an neih that avangin chhe mai mai thei an ni tawh lo thung. Heng mihlun neinunga kan hriat ho hi sumdawng tharlam zawk, an fate nena țangrual thiam ten an lehkhalh țan tawh.

MIHLUN HAUSA LO

An țhenawmte in leh lo a țhan ur ur avangin Mihlun hausa lem lo ho hian an inhmun an hralh țhen zeuh zeuh a, a hmaa inhmun zau țha tak pawh an awmna leng lekah Concrete in an nei ve hram thin. Chhungkaw khawsak pawh a sang bik lem lo a, an khawsa ve țawk țawk a ni ber. An fate thui tak zir tluan si lovin English Medium leh Private Company ah an thawk a, an khawsakna tawk chu an nei ve mai.

SORKAR HNTHAWK AIZAWL HLUN

Sorkar hnathawk a awm hlun tawh an awm bawk a, Peon pawh nise Aizawla awm hlun tawhte chu an fate an in zirpuitling duh phian a, chhungkaw awmthei pangngai tak an ni thin. In pawh ropui tak nilo mahse Concrete in pangngai tak neiin chhungkuaah Sorkar hnathawk an awm dih diah thin.

2. PEM LÛT -

david sailo thuziakThingtlang khaw lian ve deuh a Retailer hlun tawh te, VCP hlun tawh leh ram nei tha deuh ten an thil neih ti ralin Aizawlah an rawn lut a, mihlun hausa lo ho ram an lei țhen saka in țha tak an sa a, dawr an siam loh leh Headquarter/Block Level Politics an khelh chhunzawm thin. Hetiang mite hi Section leh Branch YMA ah an in tat lut peih hle a, Kohhran ah pawh hruaitu an ni ve thuai mai thin.

An pem luhna rei em em si lovin an inti Aizawl em em a, Welfare hruaitute an ni ve thuai a, inti Aizawl nu/pa takin an khawsa a, a lo awm hlun zawk aimahin an inti Aizawl viau a ni. Social Media vela Aizawl leh thingtlang inhnialna awm thinah pawh inti Aizawl ber berte hi heng ho hi an ni tlangpui. Veng hulum lai an chang meuh lova, veng kilkhawr leh tlabirh deuhah an awm duh viau.
3. THINGTLANG ÈšHALAI MI IN LUAH -

Zirna leh hna chhe tete vawn a vanga mi in luaha awm hi tam tak an awm. Inluah an duhtui vak lo a, chep tak takah an khawsa naw naw thin. Aizawl a inluaha lehkha zir thei chu an khua ah chuan awmthei pangngai an ni. Bike/Scooty Secondhand an kawl a, an vak nasa thei hle.

Concert/Inkhel en leh kawngzawhte, Chapcharkut leh huau huau hrim hrimah heng ho hi a tam ber an ni thin. A then chu Vanapa Hall Concert zawh zan rei tawhah mahni inluah hla tak tak kein an pan hnak hnak thin. Phone changkang lutuk lo Whatsapp leh Facebook theih țawk țawk an nei a, Social Media ah an nghal duh hle.
Inluah țawp viau e ti lovin thuamhnaw an duhtuiin an nei țha thei hle a, hmeichhia phei chu Make-up an thupui hle. Mihlun leh neinung hmelhriat neih țhat hi an intih theihna leh an tum ber a ni. Zu leh Beer an in zeuh zeuh thei tlangpui bawk. An kawlhrawng hle a, a rilru nei deuh chu College SU ah engemaw nihna an chuh a, an tling a, MSU/MZP ah College an kal tawh loh hnu pawhin an in hamtang a, hna zawn leh inziah tlin lam aiin hetiang buaipui hian Aizawlah an awm hram hram a, lar an chak em em bawk thin.
College velah pawh a thawveng ber ber hi heng mite hi an ni.Chaw eikhawm an uar hle a, chhuahvah hrim hrim an awlsam hle. An khuaa an haw changin an inti Aizawl khawsa thei hle a, Aizawlah pawh engteh chiama ngaihloh an khuaah pawh engteh ualah an lo ngai bawk si lova mite ngaihsan emaw in tiin nun lái takin an khawsa mek a ni. An inluah an chhuahsan chiah hian an khawsa changkang thei hle a, Aizawl mi ngaisang biklo tak anga lang siin an awt hle thung.
Hna chhete te thawk ho hian an hlawh hi an khamlo tawk vel a, incheina leh thuamhnaw an thupui a, Aizawl milian fa emaw tih mai tur a tuai per pur te hi pawisa an neilo thei khawp mai. Christmas leh Kumthar hmang turin an khuaah an haw a, reh leh țhing an ti ngawih ngawih a, Aizawl a an awmdan an sawi sek țhin.

4. RETHEI RILRU NEI -

Thingtlang atangin fate avanga Risk la in an rawn lut a, veng hmawr takah mi inluahin an awm thin. Lo/leipui neiin an thlai tharte Bazarah an zuar a, a țhen chuan Bazar pui chawhmeh kharchhawngin mi inah an zuar kual bawk thin. Mipa te chuan a rem rem inhlawhfakna hna te an thawk thin. An khawsak a san loh avangin an phak tawkah an nei zek duh. Kawngkal an thei hle a, ke in an kal țauh țauh thin.

High School kal chhuak zo lo khawsak harsa ve bawk si te Unaua inluah an awm bawk. Thingpui dawr/dawr ahte an thawk thin a, a then chu mi awmpui ah te pawh an tang bawk thin. Heng ho hi an in ngaitlawma an nihna angin an hmel leh incheina ah pawh an lang mai thin. An hlawh chhuah ang angte thingtlanga an nu leh pate an thawn ve thin a, an in ren thiam hle.
Khawi Category berah nge i awm ve le?

Post a Comment

Powered by Blogger.