Zela Ralte hi thingtlang tlangval High Sikul kal tura km 14 vel kea kal țhin a ni a. Mizoram Technical Entrance-ah lo inziak tling tawh in chhungkaw harsatna vangin a kal thei ta lo a. College a kal chho ta a, harsatna chuan a la kian san chuan si loh avangin, High School leh Higher Secondary School-ah te Warden ni chung leh Tuition te pein a inhlawh pah zel a. Chung a hlawh te chuan a zirna mai bakah a chhungte thawn tur a lo tum ve thei hial a. A zirna chu chhunzawm zelin B.sc 1st Class-a a zawh hnuah Master of Petroleum a zawm ta ani.
A college kal lai hian Student Self Support Union(SSU) Award lo dawng tawhin, PROMISE Mizo Amazing Award pawh hlan a lo ni tawh a. Gujarat lamah a zirna a zu chhunzawm ta a, an campus ațanga a hmasaber ni tur in Dubai, Raven General Petroleum Limited-ah Petroleum Scientist hna a hmu ta a. Thlakhat ah AED 27'500, india rupya 4.6lakhs vel bakah allowance chi hrang hrang nen hlawh turin Appointment pawh tihfel a ni ta e.
A zirna tur atan hian Educational Loan lak a tuma reject a nih vangin mi pawisa puk chawpin Master of Petroleum hi a zir zawm ta a. Harsatna leh retheihna ten dal tum mahse, chung te chu pal tlangin Zo hnahthlak, Zofate zinga Master of Petroleum zir chhuak hmasa ber ani ta a ni. A lehkha zir dan leh a kal chhoh dan, a kal kawng bumboh ziate pawh Zonet Cable lamah interview Video clip entur ala awmin a rinawm.
A kal zelna turah duhsakna kan hlana, a hna pawh țha tak leh chhuanawm taka a thawh theih ngei kan duhsak e.
Post a Comment