Mizoram Governor Lt. Gen. Nirbhay Sharma PVSM, UYSM , AVSM, VSM chuan March ni 24, 2018 zan dar 8:30 atanga 9:30 chhung hian WWF International Network, WWF-India bultuma EARTH HOUR khawvel ram hrang hrangte ruala hmang ve turin Mizoram mipuite a chah.
WWF-India chuan Earth Hour 2018 thupui atan “Give Up to Give Back” tih a thlang a, hei hian a tum chu mipuiten he khawvel kan neihchhun ram leilung, nungchate leh mihringte ngei hriselna atana thalo thil tamtak kanlo chin than te titawp a, tih dan hrisel leh thianghlim zawk kan hman a kan in tihhmuh chhoh zel hi a ni.
Governor Lt. Gen. Nirbhay Sharma chuan Mizoram mipuite pawhin kan chennna khawvel leh kan chenpui mihringte bakah nungcha hrang hrangte tan leh kan tu leh fate tan chenna tur khawvel nuam tak siam turin kan tih theih tawk theuhah hma la turin a chah a. Tui alh thei leh kawlphe tha renchem kawngah te, sarang hman tlem kawngah te, ei leh in a inren thiam thleng hian nghawng thui tak a nei a, chenna nuam kan siam theih nan hengte hi changkanna dik, kan intihhmuh tur chu a ni, a ti. Governor chuan Earth Hour lo awm turah hian Mizoram pumah a thei apiang in March ni 24, zan dar 8:30-9:30 ah,”Give Up to Give Back” tih thupui hi kan chenna khawvel nuam zawk kan siam theih nan hma kan la theuh ang tih lantir nan kan in leh a chhehvel a eng te ti thim turin a chah a ni.
WWF-India chuan Earth Hour Campaign hi 2009 atangin a hmang tan a, khawvel pumah ram 178 in Earth Hour hi khawvel sik leh sa in thlak danglam nasa ltk siamthat nan an thlawpna lantirna atan March thla hian an hmang thin a ni.-DIPR
Post a Comment