MIZORAM UNIVERSITY ONLINE COURSE : E-LEARNING - TIMES OF MIZORAM

Breaking

Home Top Ad

Post Top Ad

MIZORAM UNIVERSITY ONLINE COURSE : E-LEARNING

NORTH EAST INDIA-A HMASA BER TUR ATAN MASSIVE OPEN ONLINE COURSES (MOOCS) LEH EMPLOYMENT LINKED SKILL PROGRAMME (ELSP) CHU MZU AH HAWN THAR A NI

MIZORAM UNIVERSITY ONLINE COURSE : E-LEARNINGIndia hmarchhak state zinga a hmasa ber atan nimim (23.3.2018) khan Mizoram University chuan Massive Open Online Courses (MOOCs) leh Employment Linked Skill Programme (ELSP) chu a hawng. University Auditorium-a programme hmanah hian Dr. C. Vanlalramsanga, Planning Secretary chu khuallian niin MOOCs leh ELSP hi a tlangzarh a ni.

Khuallian Dr. C. Vanlalramsanga chuan zirlai te tana tangkai tak tur Online course Mizoram University kaltlanga zirna theih a ni ta chu thil lawmawm tak a nih thu sawiin, he hmalakna tipuitlingtu MZU VC leh a thawhpuite bakah an tanrualpui Schoolguru Eduserve, Mumbai chungah lawmthu a sawi a. Tunlai khawvelah e-Learning hi mi tam takin an chhawr tangkai tawh thu te, survey hrang hrang atanga a lan danin hna tha tak tak hmuh phah takte ram dangah chuan an awm teuh thu Dr. C. Vanlalramsanga chuan a tarlang a. Vawiina Online course tlangzarh tak chu thalaite tan zirna kawnga hmasawnna tangkai tak siamtu leh hna zawnna lamah pawh thui taka puitu a nih ngei a beisei thu a sawi.

Prof. K.R.S. Sambasiva Rao, MZU Vice Chancellor chuan MOOCs leh ELSP chu Mizoram University a kalpui a nih theih nana bultan a nin dan leh a kalphung tur tlangpui a sawi a. Information and Communication Technology thiamna hmang tangkaiin internet kaltlanga course hrang hrang zir theihna tura hmalakna chuan hmun kilkhawr zawka awmte tan hamthatna tam tak a thlen tur thu leh, course 100 chuan nei thei tura inbuatsaih a nih tur thu te a sawi a. MOOCs chu India hmarchhak state zinga a hmasa ber leh a la awmchhun a nih bakah University danga an la tih miahloh "Faculty Online Programme" siam turn hmalak mek a nih thu te a sawi bawk.

Schoolguru Eduserve Pvt Ltd. Mumbai atangin Vice President pahnih lo kal te chuan MOOCs leh ELSP hman dan tur sawifiahna leh entirna an nei bawk. Vawiin programme hi Prof. Lalnundanga, Director HRDC, MZU chuan kaihruaiin, Prof. S.K. Mehta, Department of Botany chuan lawmthu sawiin hun a khar a ni.

Schoolguru Eduserve Pvt Ltd. nena thawk dunin MZU chuan MOOCs atan hian website hranpa (http://www.mzuict.in) siam a ni a. Tun dinhmunah hian course hrang hrang 13 Mizoram University hnuaiah hian zir theih a awm tawh a, course dang dah belh turin hma lak mek a, heng zingah hian hna zawn kawnga pui theitu tur job-oriented course engemawzah telh tum a ni bawk. MOOCs hnuaiah hian Certificate leh Diploma course te zir theih a ni a. MOOCs kaltlanga zirlai zir duhte chuan website ah hian in register in, an course duh duh an thlang thei dawn a, course tha taka zir te chuan 'certification fee' chawiin online exam an pe thei ang.

ELSP, Employment Linked Skilling Programme hi corporate khawvela hnathawk duhte tan a thiamna leh hriat tur tul tangkai hrang hrang, internet kaltlanga inzirtirna a ni a. He zirtirna program hi desktop, laptop, tablet emaw smartphone pawh hmangin, thla thum chhunga zawh theih tura ruahman a ni a. Registration fee ah cheng 100 chawiin, he program hlawtling taka zo te chuan paid internship pawh an hmu thei dawn a ni. Zirlai an graduate hnu ah ELSP course zo tawh te chuan Schoolguru Eduserve thawhpui, Teamlease Services ten company hrang hrangah placement an zawn pui ang a, hna an hmuh tak tak hunah chauh training leh placement senso atan hian Rs. 7000 an hlawh atangin chawi tir an ni chauh dawn a ni. - DIPR

No comments:

Post a Comment

Post Bottom Ad