MNF PARTY IN MIZORAM CM LEH HOME MINISTER BANG TURIN AN PHUT - TIMES OF MIZORAM

Breaking

Home Top Ad

Post Top Ad

MNF PARTY IN MIZORAM CM LEH HOME MINISTER BANG TURIN AN PHUT

LAW & ORDER KENGKAWH ZO LO CM LEH HOME MINISTER BANG RAWH SE

MNF PARTY IN MIZORAM CM LEH HOME MINISTER BANG TURIN AN PHUTVawiin hian Mizo Hnam Runah Emergency Office Bearers meeting Pu Tawnluia Sr vice president hovin neih a ni a. He meeting hian Mizoram chhung ngeia Mizo Zirlai Pawl-in Chawlhbuk sak an tum Assam Police-in tibuaia silai hial hmetpuaka an rawn invilik chiam mai leh zirlai kut an thlak chiam mai chu MNF chuan áš­ha lo a ti takzet a, Assam Police-te chu an ram lamah haw leh vat turin a ti a ni, tiin Resolution passed a ni.

MNF OB Meeting chuan, "Hetiang khawpa Mizoram chhunga Assam sorkar a chet hnuah leh Mizo zirlai tam takin hliam nasa tak an tawrh hnu pawh a, Mizoram sorkar-in hnam chhan nana inpe Mizo zirlaite thlavang pawh a hauh ngam lo hi kan dem takzet a. Hetiang baka law & order hlawhchhamna hi MNF chuan a awmin kan hre lo. Law & order kengkawh zo lo CM Pu Lal Thanhawla leh Home Minister Pu R Lalzirliana-te hi bang vat rawh se," tiin Resolution a passed.

MNF OB Emergency meeting chuan Zirlai vuak leh kahhliamte sorkarin zangnadawmna pe ngei turin a phut a. MZP-in ram leh hnam humhalhna kawnga ke a pen chu chhuanawm a ti a, Chawlhbuk sak tum pawh a thlawp bawk a ni.

Vawiin tlai hian MNF chuan Mizoram Larsap hnenah Assam Police-in Zirlai kut an thlak leh lirtheite hal a nih thuah inrawlh tura ngenna lehkha an thehlut a. He thil thleng chungchang hi Mizoram sorkar leh Assam sorkar hrilh hre tura ngen a ni bawk a ni. Lehkhaah hian Pu Tawnluia, Sr Vice President-in hming a ziak a, lehkha hi Er Lalrinawma MLA, Pu PC Lalhmingthanga, Mayor AMC leh Pu MC Lalrinthanga, GS-ten a Personal Assistant kutah an hlan a ni.

MNF MLA-te, AMC Mayor leh Party hotute zirlaite thlavang hauh tur leh hliam tuarte Bairabi-a kan turin an inbuatsaih nghal a ni.

(LALLENMAWIA JONGTE)
Joint Secretary
Media & Publicity Dept 
Mizo National Front
Memo No.MNF/Media/2018/01/189
Dt.10.03.2018.

No comments:

Post a Comment

Post Bottom Ad