chanchintharVawiin khan New Economic Development Policy (NEDP) bultuma Information and Public Relations Department (I&PR) buatsaih Study Tour nei tura lokal Mizoram Civil Pensioners Association (MCPA)  member-te chuan Champhai District chhunga sawrkar hmalakna hrang hrangte leh pipute sulhnu pawimawhte tlawh kualin Study Tour an nei.

Mizoram Civil Pensioners Association (MCPA) member-te hian Zotlang Sports Stadium,  World Bank sum hmanga Indo-Myanmar Road siam mekte, Composite Land Custom Station, Department of Trade and Commerce, Zokhawthara mite pawh an tlawh a. Hemi bakah hian pipute sulhnu pawimawh tak Rih Dil an tlawh tel bawk a ni.

Mizoramm Civil Pensioners Association (MCPA) member-te hi an vaiin 13 an ni a, Pu B. Liankaia, Consultant, MCPA-in a rawn hova, I&PR Dept lam a tangin Pu Lalbiakkaia Sailo, AVPA in Tour team hi a rawn hruai a ni. Champhai leh a chhehvel an fan kualnaah hian DIPRO Champhai, Dr Lallawmkima’n a tawiawm bawk a ni.

Mizoram Civil Pensioners Association (MCPA) chuan sawrkar hmalaknaa Study tour buatsaih a ni chu hlawkthlak an tiin hemi programme buatsaihtu sawrkar hnenah lawmthu an sawi a. Tour team-te hian nimin lamah Champhaia MCPA member-te nen inkawmna hun an nei a. Zanin Khawzawlah  an riak anga, Pensioners Association memberte nen inkawmna hun an hmang leh  dawn a ni. Naktuk lamah  Aizawl lam panin an let leh ang.-DIPR

Post a comment

Powered by Blogger.