SIAM THAR KA NGAI A NI LALPA - Solomon V Hmar

SIAM THAR KA NGAI A NI LALPA

        Phuahtu : Solomon V. Hmar

1. Aw Lalpa, ka nun hian i hming mawi hi a timualpho,

   Mi dangte tâna malsâwmna thlentu nih a hnekin;

   Lungngaih beidawnna leh natna thlensaktu ka lo ni,

   I dânte chu vawng mah ila, ka nun hian a phur chhuak zo lo.

  Siam thar ka ngai a ni Lalpa,

  Chanchin Tha meichher chhi eng a;

  Eng turin min duh si,

  Ka hringnun hlui chau hi,

  Nangin min rawn hliahkiansak la;

  Keimahah thlarau dik takin min thuam tharin,

  Min neih tir rawh.

2. Khawvel ropuina leh hmingthan chawimawina beiseiin,

   Ka thiamna leh ka finnain Lalpa ka lo dawr che;

   Ka tawngkam, ka nun hi Chanchin Tha nen an mawi si lo,

   Ka nun an en, hmuh an nei lo,

   Keimah hi ka luangchhuak si lo.

3. Aw Lalpa, i hmaah sual rit tak phurin ka lo kun,

   Ka rilru ngaihtuahna sual hi nangin mi hneh sak la;

   Ka chaklohna laiah chakna thar min rawn siam sak la,

   Ka tâna innghahna lungpui, ka chawlh fona lo ni ang che.

Satu: PBK Liankhuma