Vawiin chawhnu dar 2:00 hian K.C. Lalthansanga (Tsa Khupchawng) lehkhabu ziah 'Mizoram Election Results & Statistics' chu Central YMA Hall, Tuikhuahtlangah tlangzarh a ni dawn ta. Mizoram Journalist Association (MJA) president Vanlalrema Vantawl chuan lehkhabu hi a tlangzarh ang. He lehkhabuah hian Mizoram, Union Territory (UT) kan nih hnua (1972-2015) MLA inthlan zawng zawng (bye election tiamin) result kimchang leh statistics pawimawh tak tak dahkhawm a ni.
Hei bakah hian lehkhabu danga hmuh tur awm zen zen lo, MLA inthlana vote hmu tam zual 10, vote tlem zual 10, vote tlak ṭhatna bial leh vote tlak chhiatna bial te tarlan a ni. Hei bakah hian Mizoram MLA ni tawh zawng zawngte dah a ni a, kum 2008 leh 2013 MLA inthlana party-te bial hrang hrang, polling station hrang hranga an vote hmuh zat, inthlan pahniha an vote hmuh zat khaikhinna te pawh a tel bawk.
'Mizoram ElectionResults & Statistics' hi T.S. Khupchong lehkhabu pariatna tur a ni a, phek 288-a chhah niin, Rs. 200-a man a ni. -Vanglaini
Post a Comment