BJP MNF InremnaChakma Autonomous District Council (CADC) inthlanpuiah sorkar siam turin inpawhna nasa tak a thleng mek a, MNF leh BJP thawk duna sorkar siam tura hma lak a nih thu MNF leh BJP Mizoram Unit President te’n an sawi laiin, nimin khan BJP candidate-te chuan Congress Party inremna siampuiin sorkar siamho an tum a, hei hi Mizoram BJP Headquarters chuan a hriatpui lova a pawmpui lo a ni.

Kan corr zawhna chhangin, State BJP President Pu JV Hluna chuan BJP MDC thlan thar zawng zawng te headquarter ah an ko a, nizan khan Aizawl pan tura tih an ni a, anmahni level-a Congress Party nena thawhdunna an lo siam chu an pawmpui lo a, an kal zel dan tur an rel dawn tih a sawi a ni.


Pu JV Hluna chuan, Chakma MDC te hi Congress Party-in CEM leh Chairman nihna pek an tiam laiin, MNF erawhin an chuh nia sawiin, hemi avanga Congress thawhpui remti an nih hmel, a ti.

BJP hruaitute hi Delhi atangin, an MLA hli Pu Pawan Sharma leh North East changtu Ajay Jamwal te an lo kal a ni.

Puan tawh angin, CADC inthlanah hian MNF Party chuan seat la tam berin MDC seat 8 an la a. INC-in seat 6 lain, BJP-in seat 5 an la a ni. -AIR Aizawl

Post a Comment

Powered by Blogger.