Mizoram Kailawn 2018 tlangzarhMizoram Kailawn 2018 tlangzarhna leh Mizoram Rahbi - Micro Start Up Competition 2-a lawmman dawngtute chawimawina hun nimin khan Aijal Club-ah a neih a ni a, Planning minister Lalsawta'n a hmanpui.

Planning Minister chuan, Mizoram sorkar hnuaia entre­preneurship tihmasawn tura hmalakna chu la rei lo hle mah se, a thleng tui tawh hlea a hriat thu a sawi a, "Kum hmasa lama Mizoram Kailawn leh Mizoram Rahbi intihsiaknaa lawmman dawngtute'n hma á¹­ha taka an lakna leh hlâwkna an chhar avangin a lawmawm hle," a ti.

Mizoramah theihna a awm nia sawiin Lalsawta chuan, "Chutihrualin, thawh peih loh zawng thliar loh leh thawhrim erawh a á¹­ul. Eizawnna kawng á¹­ha leh remchang hre mite puih chu Entrepreneurship Development Scheme (EDS) thil tum a ni," a ti a; EDS chu a hmang thiam apiangin an dinchhuahpui tur thu a sawi.

Mizoram Kailawn 2018 tlangzarh

Planning secretary Dr C Vanlalramsanga pawhin thu sawiin, EDS kalpui mek hnuaia pêng hrang hranga hmalaknate chu mipuiin an bengkhawn hlea a hriat thu leh lawmawm a tih thu a sawi a, "Kumin sorkar kum tharah hian EDS atan cheng vbc. 10 dah a ni. Business infrastructure development scheme atan vbc. 15 dah a ni bawk," a ti.

Inkhawmah hian Mizoram Rahbi Intihsiakna vawi 2-naa lawmman dawngtu mi 20 hnenah chawimawina thilpek hlan a ni. Mizoram Kailawn 2018 Awareness Programme chu district tinah hman a ni dawn a, June thlaah grand finale leh entrepreneurship summit neih tura ruahman a ni. -Vanglaini

Post a Comment

Powered by Blogger.