NIT MIZORAM ZIRLAI TEN LUNGAWILOHNA LANTIR - TIMES OF MIZORAM

Breaking

Home Top Ad

Post Top Ad

NIT MIZORAM ZIRLAI TEN LUNGAWILOHNA LANTIR

Nimin khan NIT Mizoram zirlai thenkhatte chuan an zirlai pui thihna chungthu-ah an lungawilohna lantirin Raj Bhavan khawtah Governor hmuhtumin an kalkhawm.


NIT MIZORAM ZIRLAI TEN LUNGAWILOHNA LANTIRNational Institute of Technology Mizoram-a zirlai te chuan an zirlai pui Dev Sharan kum 20, Mid Semester zirlai Bihar mi, nimin piaha Guwahati damdawiina thi ta chu a thih chhanah NIT Mizoram enkawltute vang niin an sawi a. Zirlai te hian thla hnih kal ta khan an Hostel ei leh in thianghlim tawk lo leh an ei chhiat chu thuneitute hnena an thlen thu sawiin, engmah hmalakna an nei lo tih an sawi a. Zirlai boral ta hian tunhnai mai khan a awm nawm loh avangin tum 4 doctor a pan thu an sawi a, that lam a pan theih loh avang leh ngaihsak a nih loh avangin an khaw lama haw phalsak tura a ngenna chu Mid Semester Exam ti phawt tura tih a ni a. That lam a pan tak loh avangin March Ni 29 khan Guwahati lamah phurh thlak a ni a, nimin khan a boral ta a ni.


Nimin khan NIT Zirlaite hian Governor hnenah hemi chungchang hi thlena MHRD hnena thlen sak turin hmuh an tum a, Governor hi a lo awm loh avangin, Raj Bhavan kawtah lungawilohna lantirin an thu a, NIT Mizoram enkawltute chu pawisa tichingpen a, tui thianghlim takngial pawh pe thei lo ah puhin, medical facilities pawh pakhatmah a awm lo niin an sawi a, ambulance a neih ve pawh ei tur lakkhawm nan an hmang niin an sawi bawk a. Zirlaite hian an zirlai pui thihna chu anmahni chungah pawh thleng thei a nih avangin, NIT Mizoram dinhmun leh a enkawltute chhui chian sak tu an mamawh hle tih an sawi bawk a ni.

NIT Mizoram hian vawiin atanga Mid Semester Exam an neih tan tur pawh boycott vek an tum a, naktuk atang vek hian NIT Mizoram Academic Block, Chaltlang kawtah he thil thleng duh lohna lantira, thuneitute beng a thlen ngei theih nan 'Hunger Strike' neih an tum a ni.

-AIR News Aizawl

No comments:

Post a Comment

Post Bottom Ad