- V. Lalnunthara
E-43, V.Thanga Street, Dawrpui

S.L NGURSAILOVA SAILO chanchinPu S.L. Ngursailova Sailo hi kum 1974 January ni 17 khan Paithar khuaah a lo piang a, A pa Pu Lalsangzuala Sailo, a nu Pi Famthluaii Bawitlung a ni. Amah hi a cher lam 5”9’ a sang a ni a, dulkiar hlau tak a ni. Mizo paah chuan vantlang tak a ni a, ngo lutuk lo hang lutuk lo a ni. Pa zaidam tak duh rum tak si a ni a, pa tawngtam lem lo; nelawm hmel vak loh a ni. Rolura thlah a ni a, a pu hi Hlumte Lal a ni a, a Pu Pu hi Vandula Lalnu Ropuiliani Pasal hi a ni. Sailo Lalte zinga chhim lam nek na ber an ni.

Mi tumruh tak mai, hlawhtlin tum tlat beidawng duh lo mi a ni a. Kum 1992 khan Kaladan High School Paithar atangin Matric a pass a, Govt. Aizawl West College ah zawmin; Pachhunga University College atangin BA (Hons) Sociology a zo ta a ni. Hemi hnu hian Aizawl Law College ah LLB a zir leh a, a zir laklawh laiin hna a hmu ta a a hna mawhphurhna a san tak em avangin Law zir pawh a bansan ta zawk a ni.


Kum 2001 atanga 2004 chhung khan Aizawl a Baptist English Medium School JH Lorrain Academy-ah Principal in a thawk a. He hna hi 2004 thleng a thawk a, kum 2005 khan Assam a Baksa District Patkijuly a Jubilee English School Principal a ni leh a, hetah hian zirtir hna mai bakah Mission work thawk telin hmun hrang hrangah Pathian thusawiin hun a hmang thin a ni. Kum 2008 khan Mizoramah awm hlen tawh turin a lo chhuak ta a ni. Mizoram a a lo chhuah hnu hian hmun hrang hrangah Construction Work thawkin eizawn nan a hmang chho a a hnathawh a tha in hlep tam aia hna quality ngaipawimawh mi a ni.

College a kal chhung hian zilai pawl hrang hrangah hruaitu pawimawh tak tak a ni thin a. Kum 1993 khan Aizawl West College SU ah Culture Secretary a ni a, SSU leh Evangelical Union ah te Hruaitu a lo ni tawh bawk. Kum 1994 khan SSU General Headquarters ah Asst
General Secretary a ni a, hetih lai vek hian MZP General Hqrs ah Secretary i/c statistic a ni bawk a MZP ah hian hun engemaw tichhung Executive Committee member a ni bawk. Mizoram Student Evangelical Union ah General Secretary a ni a, hei.bakah hian Inter Collegiate Evangelical Union ah Vice President leh President a lo ni tawh bawk. Pachhunga College a a luh lai hian Evangelical Union Chairman a ni bawk a ni.


Naupang nih lai atanga Pathian tih tlat mi a ni a zuk leh hmuam lakah a fihlim a a naupan lai atangin zuk leh hmuam ti ngai lo mi a ni. Aizawl a a lawina Town Baptist Church ah Thalai Kristian Pawl hruaitu nihna hrang hrang a chelh tawh a kum 13 lai hruaitu a lo ni tawh a. Hei bakah Aizawl South Pastor Bial TKP Hruaitu kum 4 lai a ni tawh bawk. Sande sikul Pawl hrang hrang zirtirtu a ni thin a. Kohran tan a theihtawp chhuah thin mi a ni. Kum 2016 khan a lawina Zonuam Baptist Kohhran Rawngbawltu atan thlan tlin a ni a. Tunah hian Sande Sikul Senior B zirtirtu leh Building Committee secretary hna a chelh bakah Bible Society Chief Collector leh Light & Sound Vice Chairman a ni mek bawk. Aizawl Auxilary BSI Youth Committee ah hun rei tak Office Bearer a lo ni tawh a Tunah hian BSI Youth Committee ah hian Senior Adviser a ni mek bawk. Kum 2012 khan Asia Pacific Baptist Congress Kuala Lumpur Malaysia ah te leh kum 2013 khan Baptist World Alliance Youth Congress Singapore ah te Mizoram Baptist Kohhran atangin a lo palai tawh bawk a ni.

Kum 2013 October ni 24 khan Lalremruati Rokhum Lunglei Chanmari nen an innei a, a nupui hi thiamna lamah MA(Eng) BD M.Th (Woman Studies) a ni a, AICS ah Asst. Professor hna thawkin a awm mek a. MZU Road Tanhril Aizawl-ah an cheng mek a ni. Pu Sailova hi dik ni a a hriatah chuan a tawp rak thlenga tang mai thin, ram siam that nana a rilru leh ngaihtuahna seng nasa tak a ni a. PRISM party in April ni 10 a Candidate atan a chhawpchhuah zinga pakhat a ni.

Post a comment

Powered by Blogger.