pawisa hlawhna turSorkar laipuia 7th. Pay Commission rawtna zûlzuia Mizoram sorkar hnathawkte hlawh pek ve dan tur zir chiang tura Mizoram sorkarin a din Study Group-te'n an report Finance Minister hnena an thehluh tawh chu, Cabinet meeting leh hmasa berah ngaihtuah tum a ni.

Vanglaini palai zawhna chhangin Finance minister Lalsawta chuan, "Cabinet ṭhutkhawm leh hmasa berah 7th. Pay zir chiangtute report thehluh hi kan ngaihtuah ngei turah ka ngai. Chief Minister berin '7th Pay kan pe ang' a ti tawh a, chuvangin, kan pe ngei ang. 7th. Pay anga sorkar hnathawkte hlawh pek tur hi budget-ah pawh dah sa vek a ni," a ti.



Finance Minister sawi danin, sorkar hnathawkte 7th. Pay Commission rawtna zûlzuia hlawh pek an nih dawn a, an hlawh zat tur bituk tur Fitment Committee chu Cabinet-in a ṭul dan angin a la ruat dawn a ni.

October 25, 2017-a Cabinet meeting thu angin Mizoram sorkar chuan 7th. Pay zir chiang turin Planning Board vice chairman H Liansailova kaihhruaina hnuaiah November 13, 2017 khan Study Group a din a; Study Group-a member-te chu minister KS Thanga, Finance secretary hlui Lalthansanga leh Taxation commissioner Vanlal Chhuanga te an ni.



Study Group hian an report chu April 13, 2018 khan Finance Minister hnenah an thehlut a; report an thehluhnaah hian H Liansailova chuan, sorkarin a phâk tâwk tur ngaihtuahin Pay Committee hian 7th. Pay an zirchian thu sawiin, "Sum dinhmunte pawh ngun taka zirchian a ni a, sorkar erawh a ṭan hle a ngai dawn a, sorkar hnathawkte pawhin sorkar duhsakna hria a, dawhtheihna leh neitu chan changa an kal kan duh," a ti.
mizoram bank pawisa loan lakna
H Liansailova sawi danin, report an thehluh ang chuan, sorkar hnathawk hlawh punna tur hi 18% vel a ni a, sorkar hnathawk hlawh atana thla khata sorkar sen belh tur chu cheng vbc. 44.07 chuanga chhût a ni. Heng bakah hian, sorkar hnuaia hlawh la ve tho, a nghet ni lem lote’n hlawh an lak tur chu thla khatah cheng vbc 65.77 vel a ni.

-Vanglaini

Post a Comment

Powered by Blogger.