Mizoram Board of Scool Education (MBSE) chuan nimin khan High Scool Leaving Certificate (HSLC) result a tichuak a, a pumpuiah Lalremsanga Darchhun, St Pauls Higher Secondary School leh Royal Philem, Mount Carmel School-te chu a ti ṭha ber an ni. Topper-te hi distiction-ah ve ve pass-in, full mark 500 aṭangin mark 477 zet an hmu phak a ni.
Lalremsanga Darchhun
Lalremsanga Darchhun hi C. Vanlalpeka (L) leh Lalthlengliani te fa niin, Tanhril-ah an khawsa mek. HSLC exam atan hian mahni inlum pawh bel loin theihtawpin a inbuatsaih a, subject zawng zawngah latter a hmu vek. An veng aṭnga a school kalna a hlat avangin L.R Hostel-ah a awm a ni.
Lalremsanga hian RS school of Learning, Ramrikawn aṭangin zirna bul a ṭan a, naupangte a nih aṭangin lehkha thiam thei tak a ni. RS school aṭang hian St. Andrews school, Luangmual-ah a kal leh a, an class-ah a tiṭha ber a ni ṭhin.
Class IX aṭangin St Pauls Higher Secondary School-ah hian lut a, lehkha thiam kalkhawmna tia an sawi ṭhinah pawh hian a tiṭha ber a ni ṭhin. HSLC result tihchhuah a nih meuh chuan Mizoram pumah pakhatna a ni ta a ni.
Lalremsanga hian Science subject chu a tuina a nih thu sawiin, lak chhunzawm a tum tih Vanglani palai a hrilh. Maths a tuipui hle bawk a, lakchhun zawm zel a tum bawk. Lalremsanga hian Nuclear Engineer nih a tum a ni.
Royal Philem
Royal Philem hi Manipur-a piang ni a, mahse Aizawl-ah zirna bul a ṭan. Mount Carmel School-ah bul ṭanin HSLC topper a nih thleng hian school dang a bel lo. Naupang lekha thiam thei tak niin, a ti ṭha ber a ni ṭhin. HSLC-ah hian suject panga-ah letter a hmu a ni.
Mount Carmel School fa chuam hian khawiah nge zirna a chunzawm zel dawn a la tichiang thei mai lo a, amah hi Manipur-ah a awm mek bawk. Hetih rual hian hmun dang pan a tum lo a, Aizawl-ah zirna chunzawm a tum.
Royal Philem hian Civil Service-a luh chu a thil chak leh tum ber a nih thu Vanglani palai a hrilh.
VANGLAINI CHANCHINTHAR
VANGLAINI CHANCHINTHAR
Post a Comment