Vawiin khan MBSE hnuaia HSLC Examination 2018 result tihchhuah a ni a, za zelah 76.65% an pass a, Compartment mi 345 an awm a. HSLC pass thar zawng zawng te hi Pu Joseph Lalhimpuia, Chairman, Mizoram Youth Commission (MYC) chuan thinlung takin a lawmpui tak zet thu a sawi a; tun atana hlawhtling zo ve ta lo te pawh hnual mai lo leh beidawng mai lo tura a duh thu sawiin, huntha zawk an tana a la inher chhuah ngei a beisei thu leh, nasa zawka tan la sauh sauh turin a chah a ni.
Pu Joseph Lalhimpuia chuan HSLC pass thar zawng zawng te chu inthlahdah hauh lova an zir zelna turah pawh a hma aia taima leh nasa zawka bei sauh sauh turin a fuih a. MYC thupui tihhlawhtlingtu ni thei vek turin leh thalaite khawvel zauh nan HSLC pass tharte a beiseiin duhsakna a hlan a; Mizoram thalai, zirlai duhawm tak tak te’n an zirnaah tih tak takna nena teirei peih turin a chah a. Mizoram Board of School Education hotute leh thawktu zawng zawng pawh khawtlai lova tha taka HSLC result an tichhuak thei chu fakawm a tih thu a sawi bawk a ni.-DIPR
Post a Comment