Mizoram Baptist Kohhran (BCM) chuan, Relief and Development Department kaltlangin tunhnaia khurel chhiatna leh vanduaina thleng-ah tanpuina theih ang angin a pe chhuak a, Report kan hriat theih chian – Siaha Bus Accident a hliam tuarte leh mitthi te – Chawhnhu lama phurh te tan Rs. 5000/-, Bungtlang ‘S’ lama phurhhaw te tan Rs. 5000/- a pe a, Lunglawna leimin-in a hnawl chhungkua Pu Peka te hnenah Rs. 5000/- a pe nghal bawk.
Tin, tuntum ruahsur avanga leimin leh tuilian tuarte tanpui nan Tlabung YMA hnenah Rs. 5000, Sairang YMA hnenah Rs. 5000/- Zohnuai leh Electricveng, Lunglei-a leimin tuarte chhawmdawl nan YMA/VC hnenah Rs. 2000 leh Sulpouline 2 ve ve a pe nghal bawk.
Tin, Sairang-ah hian in pakhat tuiin a chîm Pi. Maengii te chhungkua leh an chenna in thingin a vuak chhiat sak, Pu.Lalmuana Sairang te chu Rs.2000/- ve ve-in ṭanpuina a pe bawk a. Zawlnuam YMA hnenah tanpuina Rs. 3000/- BCM R&D hmingin hlan a ni bawk.
Heng bakah hian mimal leh chhungkua te hnenh Sylpouline engngemawzat pek chhuah a ni bawk.
Source: BCM
Source: BCM
Post a Comment