India rama khawpui fai inelna Swachh Survekshan 2018, Ministry of Housings and Urban Affairs, Govt if India buatsaihah khan, North East Zone (Less than 1 lakh inhabitants)-ah Biate, Champhai District chuan "Best City in Innovation and Best Practices" lawmman an dawng a nih kha... He an lawmman dawn hlu tak mai hi June ni 23, 2018 (Sat) khan Indore-ah Pu RV Hluna, Biate VCP leh Dr Machhuanga, MO, Biate te chuan Champhai DC Pu Vanlalngaihsaka, IAS hoin an zu dawng a, June ni 24, 2018 khan Biate khawtlang hruaitu te'n Lengpui Airport-ah an lo hmuak a ni. 


KHAWFAI BIATE TE'N LAWMMAN DAWNG


"Biate khawtlangin fai duhna rilru an put ang hi khawtin leh vengtina neih atan a duhawm ngawt mai. Ruah a sur vak hnua kan Aizawl khawpui hmun tam taka tuihawkin bawlhhlawh a len khawm chiam te hi bo thei tawh se. Kan environment humhalhna kawngah tan min laktirtu ni se, plastic / polythene leh disposable material hman uar loh inzirtir zel ila. Kan khawtlang tanrualna hi kan faina bul a ni" - Sawitu Pu Hluna, Biate VCP

Input: Johna Pa Davida

Post a Comment

Powered by Blogger.