Film siam lama hnuhma nei á¹ha tak Malsawma Fanai leh Mapuia Chawngthu te chuan he film 'Thingtlang Tlangval" hi an buaipui dawn. Mihring hmanga sumdwnna lam hawi tarlanna 'WHERE" film siamtu Malsawma Fanai hi director a ni dawn a, Mapuia Chawngthu chu director of photograpy a ni ang. A script hi PUC-a lecturer Malsawma Lailung chuan a ziak a, Robert Lalhmingthanga'n a produce dawn thung a ni.
![MIZO FILM THINGTLANG TLANGVAL MIZO FILM THINGTLANG TLANGVAL](https://blogger.googleusercontent.com/img/b/R29vZ2xl/AVvXsEgL_AyZXLdy0V0X7ztQnHBmAlOA49Ek_yJHQ7qO0UAW_ZasrJWrdh2QiulrPQqrw1yScatBQ8MkOSPaAhUYPYntFluw5y0ImhkZZWRzjZzVfIP4xY1oiQSz2wa_B0aJMJ60QV5hPqBC8n2n/s400/milestone-1.png)
A changtu tur te
Mizo zingah pawh film star tia sawi tur an awm ve ta nual a, tun á¹umah pawh hian an hmel kan lo hmuh tawh á¹hinte pawh an chang leh dawn. Kolasib tlangval Andrew Laltlankima chu a changtupa ber tur a ni dawn a. Ani hi 'Nunna thar' film-ah pawh hnehsawh taka lo chang tawh a ni a, a hmuhnawm leh pek dawn hle.
Zaithiam Rosy K. Remsangpui pawh a inlan dawn a, a ni bakah hian hmel thar hmuh tur an awm nual bawk dawn. Romance & musical film a nih ang ngeiin, zaithiam leh lam thiam eng emaw zat kan hmu dawn bawk. He film-a inlan tur thlanna screen test chu nimin khan Zarkawt Recreation Center-ah neih a ni bawk.
Engtin zel?
'Thingtlang tlangval' film hi July thla aá¹ang hian shooting neih á¹an tura ruahman a ni. Aizawl leh thintlang a inlan chhawk dawn a nih hmel a, college a lang zing viau dawn bawk. He film hi kumin chhunga tihchhuah hman tura ruahman niin, October-ah chuan tlangzarh hman beisei a ni.
Post a Comment