MIZO PIPUTE SULHNU Archaeological Survey of India (ASI) Aizawl Circle-a hotu, Dr Sujeet Nayaan chuan tun hnai khan Khawbung khaw bula Mubu rama Lung Dawhkân awmna leh a chhehvelte a zir chiang ṭan a, Mizo pípúte sûlhnu eng emaw zat hmuh belh a ni.

INTACH Mizoram Chapter convener P Rohmingthanga tarlan danin, Dr Sujeet Nayaan leh INTACH Mizoram hotute'n Mubu rama Lung Dawhkân chhehvela Mizo pipute thil hlu an hmuh tharte chu lung ker kuak (cup mark)-te a ni hlawm a; hmun pakhatah chuan ngíl tak leh awmze nei taka ker kuakte a ni.

INTACH hotute chuan, lung ker kuakte chu eng atana ker kuak leh hman nge tih hriat chian a har rih thu an sawi a; lung rem kual te, lung rem chhâwn (retaining wall) leh pipute lamliana rahbi atana lung phahte hmuh a ni bawk.


MIZO PIPUTE SULHNU - INTACH PAWL HMALAKNAIN HMA A SAWN ZEL

MIZO PIPUTE SULHNU NTACH Pawl hmalakna Pipute sulhnu zawnchhuah leh humhalh chuan hma a sawn zel a. Tun hnaiah khan ASI, Aizawl Circle hotu Dr. Sujeet Nayaan leh INTACH Convener, Pu P. Rohmingthanga a te chuan ASI hmalakna hrang hrang leh an kal zel dan turah inkawmna an nei.

Dr. Nayain chuan Khawbung khaw bul Mubu Ram (Lung Dawhkan) awmna chhehvel chu an zirchiang (explore) tan a. Pipute sulhnu tam tak an hmuchhuak mek a ni a ti. Chung zingah chuan Vangchhia leh hmundangah te pawh awm Lungkerkuak (Archaeologists-ten Cup marks) an tih hmuh tel an ni bawk a. Hmun khata mi phei chu ngiltak leh awmze nei taka khurte chu kerkuak an ni.



MIZO PIPUTE SULHNU Heng Lungkerkuak te hi Mizoram hmun hrang hrangah hmuh an ni a, tui dahkhawlna emaw, thil den sawmna emaw, rawt sawmna emaw, thil dahthatna emaw ti a zawhna tam tak nei thei an ni. INTACH hotute chuan heng Lungkerkuakte hi eng atan chiah a kerkuar nge tih hriat har an la ti a, heng bakah hian hmundanga awm lungrem kualte, lungremchhawn (retaining wall) leh Pipute Lamlian a rahbi atana lungphahte pawh hmuh an ni. 

He inkawmna ah hian Pu P. Rohmingthanga chuan ASI hmalakna te chu lawmawm a tih thu Dr. Sujeet Nayaan a hrilh a,  hmun dangah te pawh bultan theih dan kawngte an sawiho bawk a ni.



MIZO PIPUTE SULHNU

MIZO PIPUTE SULHNU

Post a Comment

Powered by Blogger.