HIV POSITIVE TE DAMDAWI ART LA MIZORAMAH MI 7007 AN AWM MEK - TIMES OF MIZORAM

27 Jun 2018

HIV POSITIVE TE DAMDAWI ART LA MIZORAMAH MI 7007 AN AWM MEK

27th June, 2018 (MSR) : Nikum April atanga kumin March thla chhunga HIV positive te damdawi ei ART lama thawktute hnathawh dan thlirletna hun hman a ni a, Mizoramah ART damdawi ei mek lai mi 7007 an awm tih tarlan a ni.

HIV Mizoram pisitive





Mizorama ART Centre paruk (6)-a thawktute bakah Aizawl, Champhai leh Lunglei district 3-a AIDS Prevention and Control Unit-a thawktute puala ni khat awh ART damdawi pekchhuah dan thlirletnaah hian MSACS Project Director Dr. Lalmalsawmi Sailo chuan "ART damdawi hian mihring taksaa HIV hrik inthlahpung zel tur a khuahkhirh tlat avangin he damdawi hian kan rama HIV darh zel tur nasa takin a veng a ni" a ti a, "ART damdawi la ei lote leh ei chhunzawm lova tawpsan te hi kan rama he natna kaidarhtute an nih avangin hnathawktute kan tan lehzual a ngai a ni" a ti bawk.

Kum khat chhunga ART lam thawktute hnathawh dan thlirletnaah hian ART damdawi ei mek lai mi
7007 an awm tih tarlan a ni a. HIV positive ART ei laia thi tawh zat 1208 an awm laiin ei chhunzawm lova thi nia chhinchhiah 653 an awm tih tarlan a ni bawk.

ART damdawi ei zet a, chhunzawm ta lo (LFU) 1317 an awm a, damdawi ei tan hma a chhui zui theih loh mi 1427 an awm bawk a ni. - Vanneihthanga Vanchhawng

No comments:

Post a Comment

Post Bottom Ad