Vawiin khan Finance Minister Pu Lalsawta chuan Hnamro Building, Dawrpuiah a bial chhung kut hnathawktu mi 83 hnenah Mistiri bungrua leh puanthui khawl a sem.

Pu Lalsawta chuan mipui hamthatna ngaihtuahtu mipui sawrkar hlutzia sawiin lal lallai chuan mahni hma chauh an sial a, mipui chanvo lam an ngaihtuah ngai lo, a ti a. An rorelsak mipuite rethei taka an awm laiin lalte an hausa thur thur a; mipui hriselna, thiamna leh eizawnna ngaihtuah sak lam an buaipui ngailo tiin tunlaiah erawh mipui sawrkar chuan mipui hma ngaiin an mamawh a ngaihtuah sak thin, Minister chuan a ti a. 


Hnathawhna tur bungrua dawng tura kalkhawmte pawh chutiang chhawr tangkaitu zingah chuan an tel a ni, a ti. Pu Lalsawta chuan an thil dawn te chu te tham deuhin lang mahse thahnemngai taka hna an thawh chuan chhungkaw eizawnna puitu tha tak a ni thei tiin tangkai taka an hman a duhsak thu a sawi a ni.

Aizawl East - II Constituency chhunga veng hrang hrang atanga thlan chhuah mi 53 hnenah puanthui khawl leh mi 30 hnenah mistiri bungrua (chi 18) bialtu MLA Pu Lalsawta hian a sem a ni.-DIPR

Post a Comment

Powered by Blogger.