Martar ruangruh 14 thlahna Synod Conference Centre-ah hun hman a ni

EX-MNA ASSOCIATION

General Headquarters

Mizoram : Aizawl

Press Release

Martar ruangruh 14 thlahna Synod Conference Centre-ah hun hman a ni

Ni 12.6.2018 (Thawhlehni) hian Ex-MNA Association buatsaihin Synod Conference Centre-ah Mizo Hnam Sipai, ram leh hnam tana zalenna suala nunna hlan ta mi 14-te Ruangruh hmun hrang hrang aṭanga lakkhawmte chu Luangmual Martar Thlanmuala dah turin a ruala thlahna hun hman a ni a, Hall-a lenglo mipui an pungkhawm. Thlahna inkhawm hi Brig.General Tawnluia Ex-Army Chief-in a kaihruai a, Commissioner Lalkiamloa,Salvation Army-in hunserh a hmang a,Pu R.Lalnunsanga,MNF Martar family General Secretary-in inkhawm buatsaih a nih dan leh programme-te puanna hun a hmang a, Copl.C.Zama,Vice President Ex-MNA-in martar-te chanchin sawina a neih bakah, martar chhungte atangin lawmthu sawina leh martar-te chanchin sawina hun an hmang bawk. WO II Rochungnunga, President Ex-MNA-in thu a sawi bawk.

MNF President Pu Zoramthanga chuan martar-te thlahnaah hian thusawiin, "Heng kan hnam martar-te hi an ṭhiante thi tawh leh la damte tan, Mizoram mipui zawng zawng tan,ṭhangthar lo la kal zel turte tan leh anmahni dova diriam leh nasa taka sawiseltute tan thleng pawhin an thi a ni. Khatih hunlai khan ramhnuaiah leh ram palailengahte, a hretu nih pawh ngamawm loh leh phumtu tur pawh awm mumal lovin boruak ralṭi tak hnuaiah an thi a. Amaherawhchu vawiin niah chuan an ruang dahna tur Thlanmual ṭha tak nen hmingṭha tinreng an rawn keng ve ta. An la thangmawi zel dawn a, ṭhangthar lo la awm zel turten an la rawn hlut tawlh tawlh bawk dawn a ni. An thih chhan hi 'Pathian leh kan ram tan' tia thi an ni a; Mizoramin chanchintha a hril darh zel theihna tur atana thi an ni. Hengte'na 'Pathian leh kan ram tan' tia an nunna hlana hma an lo chhawp hi keini nungdama la awmte hian tihlawhtling tur kan ni. He hmachhawp kan tihhlawhtlin hma chuan Pathianin kawng chanveah min kalsan lovang. Min hlawhtlintir ngei dawn a ni tih hi rin ngamnain ka sawi duh a ni," a ti.

Martar ruangruh 14 thlahna hun hmanpuite hi :-

1. Lalthangliana,

Deputy Commissioner

S/O Phillips

Mission Veng, Aizawl

Thihni - 24.2.1969

2. MC/NO.309

Capt.Laldawngliana

S/O Thanga

N.Khawdungsei

Thihni - 7.3.1977

3. MC/NO.139

Capt.Chhawntluanga

S/O Chalchhinga

Biate

Thihni - 2.5.1969

4. Sangzuala MNV

S/O Dengruma

Nisapui

Thihni - 15.3.1967

5. A/No.440299

Pte.Vanlalnela

'L' Battalion

S/O Thangtea

Phulpui

Thihni - 5.11.1970

6.A/No.220013

Cpl.Rokhuma

'K' Battalion

S/O Zatawna

Zotlang, Lunglei

Thih kum -1968

7. Lalbuana

Revenue Officer

S/O Hauthanga

Tualte

Thihni - 12.2.1967

8. Sangkunga

Parliamentary Staff

S/O Darrothanga

Khawbel

Thihni - 17.11.1967

9. Lalsawia

Intelligent Officer

S/O Lalkhuma

Thihni - 7.7.1968

10.Sapkunga

Staff Assistant

S/O Vanruala

Valcheng

Thihni - 7.7.1968

11.Lalbiakmawia MNV

S/O Thangvela

Puankhai

Thihni - 13.3.1967

12.Lalbiakthanga

Intelligent Officer

S/O Tesena

Hnahchang

Thihni - 7.7.1968

13.Ngurkhuma

Staff Assistant

S/O Laltlinga

Valcheng

Thihni - 7.7.1968

14.A/No.660288

Lalngheta Sailo

'CH' Battalion

S/O Lalliana Sailo

Baktawng

Thihni - 3.5.1967.

Martar ruangruh 14-te hi Luangmual Martar thlanmualah dahthlak fel nghal a ni a. Martar Thlanmuala inkhawm hi Pu K.Vanlalauva NCC-in a kaihruai a ni.

(K.LALNUNTLUANGA)

Secretary

EX-MNA ASSOCIATION

General Headquarters

Mizoram : Aizawl

Dt.12.06.2018.