Bangalore a Mizote tana ṭangkai tak leh hun rei tak lo awm tawh, Bangalore Mizo Association a President te pawh lo ni a, zirlai leh ṭanpui ngaite ngaihsak em em ṭhin tu Pi Lalrinpuii chuan Mizorama political party thar ZPM (Zoram People's Movement) a zawm.
Pi Lalrinpuii hi a pasal zirna avangin kum 1999 khan Bangalore ah an lo awm a. Mizo zirlai leh hna thawkte awmna turin Grace Home hostel ṭangkai tak a siam ṭhin a. Tunah hian Krupanidhi College ah Public Relations Officer niin, college tan a ṭangkaiin hna nasa takin a thawk a ni.
ZPM KA ZAWM NACHHAN:
Zoram pawna kan awm hian Zoram kan vei in rualawh a na zual a, Ka hnathawhna avangin India hmarchhak State hrang hrang te vawi engemaw zat tlawhin an Minister leh Sorkar hotute ka dawr thin a.Hengah hian an hmasawnna te tam tak ka hmu a ka zir chiang a, Mizoram in kan tih ve loh leh kan neih ve loh thil tam tak ka hmuchhuak a. Tuna mizorama kan tihdan te ka zir chiang a, kan kalphung (system) neihsa avang hian hmasawn hleihtheih lohna tam tak ka hmuchhuak a ni.
Tunhma atanga kan ram kalphung leh dinhmun te ka hmuh in, harsatna kan ngah zia leh hmasawnna tur a tam zia ka hrechiang telh telh a. Ka rilrua thil awm leh ka thil tawn te hi Mizoram tan engtin nge ka hman tangkai ang tih ka ngaihtuah a. Politics hi Ram leh Hnam siamthat na tur a ni a, mahni hamthat na tur a nilo, chutih lai in mi tam takin an sawi chu kan politician te hian mahni hamthatna leh sum siamna rilru an pu lutuk niin an sawi a, hei hi dik ngei in a lang. chuvang chuan ZPM thil tum leh an hmalak tum dan te ka hriat leh ka zir chian hian a tha hle in ka hria a.
A bik takin VIP culture tihbo te, CM in portfolio hranpa nei lova Cabinet Minister te overall a vil tur te, Sorkar Motor kawl teuh a intih milen em em bo tawh tur te. Kut hnathawk tu ten hah tak leh rim taka an thawhrah atanga hlawkna an dawn theih nana hmalak te, Party Politics ruihchilh a dawn ve loh hlauh avanga ti deka mahni pride pawh show thei reng reng lova khawsak tihbo tumna te, Mi hausa leh Mirethei kar zau tulh tulh mai tireh tumna te hian ka theih ang tawk a Pathian rawng bawl na kawnga ke ka lo pen na thin nen a inzawm hle in ka hria a. Chuvangin hotute ten min sawmna hi ngun taka Pathian ka rawn hnuin, Pathian min kohna ngei niin ka hri a, a tul apiang thawk turin ka lo inpe ve ta a ni.Zoramah kalphung THAR siam turin midang te pawh lo tel zel turin ka sawm che u a ni.
~Liana Jathang
Post a Comment