Operation Mizoram Movement - Wake Up Mizoram

Operation Mizoram Movement - Wake Up Mizoram

Operation Mizoram Movement hnuaia Politics lam buaipui tura din Wake Up Mizoram Chairman Pu C.Lalrosanga chuan an pawl thiltum ber chu Party ruihchilhna tireh tura Mizo mipui auh harh a ni a ti.

He thu hi vawiina Serchhip Times Office a Press Conference an neihnaah sawiin Pu C.Lalrosanga chuan Party Politics tuinu in Mizo mipui z chiah nut nasat tawh em avangin mipui an beidawng em em a, Ruling Party zingah pawh beidawng an tam tho a. Chuvang chuan Vote thlak chak lo an pung zel a, beidawng te tan beiseina siam turin an penchhuak a ni a ti.

Pu C.Lalrosanga chuan Mizo mipuiin Politics dik inzirtirna an la dawng tlem em mai a, Party ruihchilhna te, induhsakna uchuak te hi an Politics hmuh chhun leh an hriat ve thiamdan a ni a, chu bawih ata Mizo mipuite chhanchhuah a, Pathian in chhia leh tha hriatna thiang tak a pekhmang ngam a, neutral ngam tura mipui auh harh an tum tih a sawi.

Operation Mizoram Movement - Wake Up Mizoram

Wake Up Mizoram Vice Chairman Rev. Lalzuithanga, Mizoram Synod Moderator hlui pawhin thusawiin Mizoram chu Lal Isua chanchintha vanga lo dingchhuak, vawiin thleng thei a ni a, chutihrualin Party Politics tenawm takin a chiah nasa ta lutuk a, vawiinah chuan u leh nau, chhung leh khat pawh an awmna Party a thuhmun loh chuan induhsak te an lo harsat ta hial a, a rethei an rethei tial tial a, a hausa an hausak belh thur thur a, he ram hi heti ringawt hi chuan rei tak a kal dawn lova ni a ti.

Wake up Mizoram chuan Non Political Movement hmangin Mizoramah Pathian tih mi, mi tha, Kohhran ngaipawimawh mi roreltu awmtir a duh a, a tul a nih chuan Mipui Candidate pawh siam an tum tih sawiin. Tunah hian MPF ah Assembly Constituency tina Candidate siam tura ngenna an thlen a, an hlawhchham a nih pawhin Mipui Candidate siam a nih theihnan hma an la zel anga, inthlan zawhah pawh an tawp mai dawn lo tih a sawi. -PR