PRISM IN LAL THANHAWLA BANG TURAH AN NGAI - TIMES OF MIZORAM

19 Jul 2018

PRISM IN LAL THANHAWLA BANG TURAH AN NGAI

lalthanhawlaPrism Party chuan Chief Minister Pu Lal Thanhawla aiawh ang deuha a monu-in interview a la thin chu Dan kalh a nih avang leh hetianga public office tihbawrhban anih avang hian Pu Lal Thanhawla chu Chief Minister a nihna atangin a bang ngei tura an ngaih thu an sawi.

Hemi chungchangah hian vawiin khan thuchhuah siamin PRISM Party chuan, sorkara nihna engmah nei lo Chief Minister monu Rosie Chalrotluangi chuan hun rei deuh tawh atang khan Chief Minister Office bulah interview la thinin hmutu pawh a ngah hle thin, an ti a. 




He thil hi thil fel lo leh dik lo tak, Dan kalh a ni, tiin PRISM Party chuan tha an tih loh mai bakah Dan kalh, thil dik lo leh Dan bawhchhiatna nasa tak tak awm chhan ni ngeiah an ngai tih an sawi a. Ram pawi nasa zawk khawih a nih hmaa tihtawp nghal an duh thu leh hetianga Chief Minister Office leh thuneihna tihbawrhban a nih avang hian Chief Minister Pu Lal Thanhawla hian Chief Minister a nihna atanga ban nachang a hriat an duh thu Prism Party chuan an thuchhuahah chuan an sawi a ni. -PR

No comments:

Post a Comment

Post Bottom Ad