ZPM Sawhthing Policy hi a ball a mawl deuh lo maw aw ka ti..! ZPM hotuten Sawhthing Kg 1 cheng 50 zela lei an intiam hi Kuthnathawktute Beiseina beidawng siam saktu mai mai tur ani ang tih hi a hlauhawm hle.


India hi khawvela Sawhthing tharchhuak hnem zual ram 5 zinga mi ani a,India ram state ah Kerela state chu Sawhthing thar chhuak hnem ber State niin India rama sawhthing thar za zelah 33( 33%) hi Kerela atanga thar chhuah ani a,State dang Sawhthing tharchhuak hnem deuh te chu Assam(1,59,950 tonnes),Gujarat (1,16,950 tonnes),Karnataka (89,440 tonnes) te an ni.

Tunhnai kum hnih khat chho ah India rama Sawhthing rate tlak hniam ber lai a thleng chho a, Sawhthing rate hian san zel lam pan aiin hniam lam a pan zawk ani.Kum 15 chhunga India rama Sawhthing rate chhiat ber tum a tling pha niin India chanchinbu lian ten an tarlang.




Sawhthing rate tla hniam hian India rama Sawhthing rate thatna thin Mumbai khawpui pawh nghawngin Mumbai Market rate ah Sawhthing Kg 1 Cheng Rs 40-45 ni thin kha Rs 20-25 ah atla thla dawrh a. Market expert in atarlan danin Mumbai khawpui hian nitin Sawhthing supply truck trip 15-18 vel a mamawh tawk anih laiin, Tun dinhmunah Truck trip 25-28 vel nitin a thlen belh ruih ruih lawi si,Demand atlem supply a tam ani ber mai.

Khawvela sawhthing thar chhuak hnem Ram zinga lang pha India ram kuthnathawka eizawng,Sawhthing ching tute hian Sawhthing rate tla hniam zel hi an tuar em em a ni.India rama khawpui lian ber pawl Mihring pawh Mizoram let fe Vaibelchhe 1.84 chuang awmna Mumbai khawpui pawhin sawhthing hralhna huphurawm khawp an nei nghek nghuka,Nitin truck trip 15-18 mamawh khan,Truck trip 25-28 vel athlen belh reng a,Demand atlem a,supply atam miau chuan a rate in atuar lo thei talo a, Sawhthing ching tute an lainatawm hle ani.International market ah pawh Nigeria leh China te chu India khumin Man tlawm zawk a sawhthing export-tu ram anlo ni leh ve leh zela.




Chungtiang chu Kan rama sawhthing dinhmun ani a,Mizoram aia State lian leh Hausa zawka sawhthing chingtute meuh pawhin Harsatna an tawh laia,India ram state zinga rethei ber leh chawmhlawm state,mihring nuaih 10 awrh awmna-ah Kan ZPM hotuten Sawhthing Kg 1 Cheng 50 zela Lei an intiam ve ringawt mai hi a ball a mawl deuhin a hriat ani.Khawia pawisa in nge sawhthing chu Man man tak chuan an lei ang?? Engtinnge an Lei sa chu antih ral leh ang ?? Tihte hian Beng ati vir a,sawifiah kil kel thei sela Atha hle mai. Kawla ni chhuak chhiara kuthna thawktute Beiseina beidawng siam sak fo hi an lainat awm a,a hun tawhlo bawk ani.

Lal duh luatah tih theihloh pui tur ti thei anga in sawi fo Kan ram politician ten an sim theilo hi Mizo hnamin natna hlauhawmtak a vei mek animals,chu chuan Beisei neite beisei atibo a,An beisei ve fan fan chu beiseina beidawngah a chantir fo thin.Beisei nei tawhlo te hi khawvela mi hlauhawm ber an ni. - Colney Ruatfela Kawlni

Post a comment

Powered by Blogger.