Arise 2018 - Ṭhalai Kristian Pawl (ṬKP) Co-ordination Committee

Arise 2018 ṬKP Central Church Unit an thiam ber

Ṭhalai Kristian Pawl (ṬKP) Co-ordination Committee, Aizawl-in Aizawl khawpui chhunga ṬKP Unit hrang hrangte tana inelna a buatsaih, Arise 2018 chu kar kalta Zirtawpni zan khan zawh fel a ni a, ṬKP Central Church Unit te an thiam ber. ṬKP Central Church Unit te hi Band leh Worship Dance-ah pakhatna an ni a, mimal lawmman an la nual bawk. 

Grand Finale hi Chanmari YMA HAll-ah neih a ni a, lawmman sem nghal a ni. Pakhatna ṬKP Central Church Unit te hian Band leh Worship Dance-ah hian Rs. 50,000/- ve ve an dawng. Lawmman pakhatna hian trophy leh citation a keng tel bawk a, BKL Visual Production chuan a thlawnin music video an siam sak dawn bawk a ni. 

Band bikah hian Davida Perhkhuang (ṬKP Chaltlang Unit) te chu pahnihna an ni a, Rs. 20,000/- an dawng a, pathmuna Rock of Ages (ṬKP Aizawl West Unit) te chuan Rs. 10,000/- an dawng bawk. 

Lam intihsiaka pahnina chu ṬKP Shalom Unit te an ni a, ṬKP Chaltlang Unit ten pathumna an hauh ve bawk. Band leh Worship Dance-ah hian lawmman a inang a, top 5-a tling te pawhin consolation prize Rs. 5,000 ṭheuh an dawng bawk. 

Mimal lawmman 

Zai leh lam intihsiakah hian mimal lawmman siam a ni a, ṬKP Central Church Unit te bawk an langsar. Band-ah hian Best vocalist atan Central Church Band vocalist C.Lalrinzuali chu 'Best Vocalist' atan thlan a ni a, Best drummer leh Best Keyboardist an hui tel bawk. 

Lam intihsiakah Finny Chuauzikpuia (ṬKP Shalom Unit) chu 'Best Dancer' a ni a, Tetea Sailo (The Anchor) leh By Faith (ṬKP Chawnpui Unit) te chuan Best Choreographer leh Best Costume te anla ve bawk. Mimal lawmman hian trophy leh pawisa fai Rs. 1,000 a keng tel a ni. 

Central Church Unit

Arise 2018-a pakhatna ṬKP Central Church Unit hi kum 1985 khan din a ni a, Aizawla Baptist kohhran ding hmasa ber a ni. Upper Republic-ah Biak-In neiin, Tuikhuahtlang, Upper Republic, Tuikual, Upper Khatla leh Republic Venglai te an lawi a ni. 

Arise 2018 hi August 3 aṭanga khan ṭan a ni a, August 24, Zirtawpni zan khan Chanmari YMA Hall-ah a hmawrbawkna leh lawmman semna hi neih a ni. 

Band Result : 

1st - Central Church Band (ṬKP Central Church Unit)

2nd - Davida Perhkhuang (ṬKP Chaltlang Unit)

3rd - Rock of Ages (ṬKP Aizawl West Unit)

Mimal lawmman :

Best vocalist - C.Lalrinzuali (Central Church Band)

Best guitarist - ZD Lalramchhana (Rock of Ages)

Best basssist - PC Lalnunpuia (Davida Perhkhuang)

Best drummer - Vanlalnghaka (Central Church Band)

Best Keyboardist - L Lalpekhlua (Central Church Band)

Worship Dance Result :

1st - The Anchor (ṬKP Central Church Unit)

2nd - ṬKP Shalom Unit

3rd - The Purpose (ṬKP Chaltlang Unit)

Mimal lawmman :

Best Dancer - Finny Chuauzikpuia (ṬKP Shalom Unit) 

Best Choreographer - Tetea Sailo (The Anchor)

Best Costume - By Faith (ṬKP Chawnpui Unit)

-Vanglaini