~ Lalkhawngaihsanga Chinzah

Stroke hi kum upa lamte neih tura ngaih a ni ṭhin a. Nimahsela, tunlaiah chuan kum naupang lamah pawh stroke nei an tam ta hle mai a. Kan fimkhur tlân nan a hnuaia tarlan tlem tê hi lo chhinchhiah teh. 

S T R O K E :


Stroke hi thluaka thisen lut tur dan chah a nih vang emaw, thluaka thisen zâm keh vang emawa taksaa harsatna lo awm hi a ni. Stroke natna hi invên theih a ni.

Stroke nei thei dinhmuna dingte:

+ Meizial zu nasa te.

+ Zu in nasa hote.

+ Cholesterol level sang neite.

+ Zunthlum natna nei a, inenkawl mumal lote.

+ Thisen sang natna nei a, inenkawl mumal lote.

+ Thau lutuk leh taksa rit lutuk te. 

+ Thluak chawl hahdam thei lo, thil ngaihtuah vak vak chingte.

+ Awm âwl lutuk, insawizawi ngai lote.

+ Opium, cocaine leh codeine telna khuh damdawi ngâi te. Etc.

Stroke natna laka i lo fihlîm theih nan:

+ Meizial zu suh.

+ Zu in tlem rawh.

+ Che tam la, insawizawi uar rawh. 

+ Sathau mawm leh thil kan mawm ei tlem rawh. 

+ Chi al ei tlem rawh.

+ Zunthlum leh thisen sang natna enkawl ṭha rawh. 

+ Thau lutuk leh rit lutuk lo turin i taksa enkawl ṭha rawh.

+ Thil ṭul lo ngaihtuah vak vakin i rilru tihah suh.

+ Invên hi inenkawlna ṭha ber a ni.



ENGATINGE STROKE HI BATHROOM AH A THLEN FO?


Inbual hian lu leh sam tih huh hmasak loh tur. Hei hian kan taksa kha a lum leh vawhna rang takin a insiam remtir ta thin a.

Thisen chak taka thluak lama a chhoh thin avangin thisen zam capillary emaw artery emaw a pump puak ta thin a, chuvangin stroke a thleng thin.

Inbual in ke lam atanga tih huh hmasak thin tur a ni a, koki thlenga tih huh hmasak in stroke a pumpelh theih a ni.

I inbual hunah lo ti thin tawh ang che.

Mut dawn leh inbual dawn a tuisik in hmasak pawh theihnghilh lo ila.

Post a comment

Powered by Blogger.