Mizo boxer leh India a amateur light flyweight boxer tha ber zing ami Nutlai Lalbiakkima chu Inrinni atanga neih tan tur X International Boxing Tournament “A-H. Kadyrov Memorial” a inlan tur India team-ah a tel. Kazakhstan a President’s Cup a Olympic lightflyweight champion lai Hasanboy Dusmatov hnehtu Biakkima telna India team hian Zirtawpni hian New Delhi atangin Grzonu, Russia lam an pan ang. Biakkima hi Boxing Federation Of India in beiseina sang tak nena a thlir mek niin Olympic thlenga beisei an neihna a ni a. Inchher hriam zelin tunhnaiah inelna a hmachhawn hnem hle.
Boxing coach Vulthavunga hnena inzir thin Biakkima chuan, “World no. 1 ka hneh hnua ka inelna hmachhawn leh hmasak ber tur a ni a. A hma zawng aiin ka inbuatsaihna a tha a, inrintawkna a hma aiin ka nei nasa zawk.” a ti. Russia a neih tur inelnaah hian International Boxing Association dan hman tur a ni a. Weight hrang hrang 10-ah inelna a awm ang. - Zozam Times
Post a Comment