PATHIAN IN A BIK TAKA A SIAM KA NI - R LALDUHAWMI

By : Gilbert Renthlei‎

" PATHIAN IN A BIK TAKA A SIAM KA NI"

Nl R Lalduhawmi ( Duhteii) 43 yrs, Mausen.

Nl. Duhteii hi Pu R Lalbiakliana leh Pi Lalvuani te fa pariat zinga naupang ber a ni a .An unau hi mipa 4 leh hmeichhia 4 ni in,amah hi a naupang ber a ni.Vanduaithlak takin a piantirh aţangin pawm sawn reng ngai in a awm a.Amah a pianto a fuh tawh loh naklaiin,a pa Pu Biakliana hian kum 1981-ah boral sanin,a nu hian kum 2003-ah a boral san veleh a,tunah hian a U R Lalbiakzami w/o H Zabuka Mausen ten an enkawl mêk a ni.

Duhteii hian sikul a kal thei lova,mahse an khua a Adult Education Dept hmalakna ' zan sikul' tih lai khàn a zir ve a chuta ţang chuan ziak leh chhiar a lo thiam ve ta a ni.

Duhteii hian Kohhran Programme chi hrang hrang a ngai pawimawh thei hle mai a,Hruaitu a neih phawt chuan inkhawm loh mai mai te hi a duhlova,Inkhawmna leh zai lenkhawm naah te Hla hriltu rinawm tak a ni a,hlahril te hi ' ka rawngbawl ve theihna tawk a ni e" tiin nuam a ti thei êm êm ţhin a ni.

An khua,Mausen ah hian thenrual tha tam tak a nei a,chungte chuan an hmangaihin a hlimna tur zawngin an lenchhuahpui fo ţhin a,a châng chuan Lo zawhna ah te pawh an kalpui ţhin a ni.

Bible chhiar hi nuam a tiin zantin mut dawnin a chhiar ngei ngei ţhin a,TKP Prog. a Bible chhiar chhuah an neih te hian a chhiar tam pâwl tak a ni ţhin a,amah hian Holy Bible hi vawi. 5-a chhiar chhuak tawh a,tunah hian Thuhriltu thleng a chhiar mek a ni.

Nl Duhteii hian Pathian in a taksa a siam dan ah hian vuina tùr a neilova,' PATHIAN in Special taka a siam ka ni e" a ti ţhin a ni.

Hetiang avang hian mahni intodelhna kawng zawngin a tih theih awmtawk a ngaihtuah a,Meizial zuarin Mausen khawchhung Dawr ah te a kharchhawn tir a,chutiang chuan a mimal.mamawh tur te tuakin awmawl mai mai lovin a intuak ve thin a ,kutthemthiam thil laphiar te pawh a thiam hle a ni.

Nl Duhteii hian Lunglei Chanchinthar zawhna chhangin " Ke a kal theih ve hi ka châk ber a ni a,a chhan chu duh hun huna Inkhawm tura kal theih leh LALPA fak leh chawimawi a lam kual ve theih te hi ka chak em em a ni" a ti.

Duhteii hian Social Welfare Dept atangin Rualbanlo tanpuina Kum khatah Rs 3000/- a dawng ve a,chu bâk chu Sawrkar atangin tanpuina a hranpa in a dawng lo tih a sawi.