Sinlung Hills Council (SHC)Sinlung Hills Council (SHC) : Mizoram sorkar leh Hmar Peoples' Conven­tion (Democrat) inremna anga din, Sinlung Hills Council (SHC)-a sorkar lailâwk chu Mizoram sorkarin sum a pek zat tur a la hriattir lo.

Vanglaini palai zawhna chhangin, SHC chief executive member (CEM) Lalṭhalien chuan, Mizoram sorkarin interim sorkar budget tur a la hriattir loh thu a sawi a, "Kan sum neih dan tur engmah kan la hre thei lo a, hei hi hma kan lak chak theih lohna chhan pakhat a ni," a ti.
SHC huam chin tur tihfel a la nih loh thu sawiin Lalṭhalien chuan, "August 3, 2018 hian Sakawrdaiah SHC pisa tura mi in kan luah hawn a ni ang a, chumi hnuah session neiin, boundary tur zir chiang tur committee din a ni ang," a ti a; SHC huam chhunga bial ṭhen dan tur pawh tihfel a la nih loh thu a sawi.




Mizoram sorkar chuan July 9, 2018 khan notifi­cation tichhuakin, SHC interim sorkar din a nih thu a tarlang. July 2-ah SHC CEM, chairman, deputy chairman, exe­cutive member (EM) pali leh member dang panga ruat a ni a; a hnuah nominated member pahnih ruat leh a ni.
SHC sorkar lailawka member-te chu July 13, 2018 khan Aizawl DC Dr A Muthamma-i'n a pisaah rinawmna thu tiamtirin a la lut a ni. ~ Vanglaini

Post a comment

Powered by Blogger.