ZPM HI TUTE NGE AN NIH ?


zpm partyKum 1989 inthlanah Mizo National Union (MNU) chuan inthlan an chuh a, bial 34-ah chuhin pakhat mah an tling lo (he party hi Pu Lalduhoma kaihhruai kha a ni). Amah Pu K. Sapdanga ngei pawhin Serchhip bialah chuh vein vote 97 a hmu ve nghe nghe.

Kum 1998 inthlanah khan Citizens' Common Front tiin Pu K. Sapdanga hote hi an rawn lang chhuak leh a. Party thenkhat thawhpuia tangrual pawl din tum a, Lalduhawma pawl MNF ‘N’ leh Evangelist tamna pawl pakhat Zoramthar Pawl nen a tang hovin Bial 40-ah an NIL leh a, MNF an sawrkar.




Kum 2008 inthlanah khan Mipui Tangrual Pawl (MTP) tiin Pu K.Sapdanga hote hi an rawn inlar leh a, a meizanghlaptu zingah tuna ZPM hruaitu Upa Lalliansawta pawh a tel. He inthlan dawnah hian Youth Movement for Mizoram(YMM) te, Pu M.Lalmanzuala pawl Mipui Pawl (MPP) te pawh a ding. Kum dang ang lo takin, he inthlanah hian Pu K. Sapdanga pawlte hian inthlan an chuh lo va, thawm erawh an nei lian hle, Lal duhawma pawl thar ZNP leh MPC-te nen thawk hoin an NIL teuh leh hle.

Tunah (ZEM) tiin an rawn ding chhuak leh a, tun tumah chuan kum 1998 ang lo takin party tenau pahnih ZNP (MNF-N kal zel) leh MPC an kuah thei ta a, an thawhhona hmingah pawh Zoram Peoples Movement (ZPM) an ti a, inthlan an chuh dawn niin a lang. An nil leh nil loh tur chu hunin a la hril ang chu.

Hetiang hian khaikhawmna ang reng deuhin lo siam ta ila :-





Pu K. Sapdanga telna party/pawl reng reng inthlanah an la NIL ziah.

Pu K.Sapdanga leh Pu Lalduhoma-te hi 1989 leh 1998 inthlanahte an lo thawkho tawh a, an la HLAWHCHHAM zel.

Pu K. Sapdanga leh Lalduhawma-te telna pawl leh a thawhpui party dingchhuak an la awm ngai lo. 1989-ah MNU 1998-ah CCF, MNF(N) leh Zoramthar Pawl, 2008-ah MTP, 2018-ah ZEM/ZPM. - Zuala Hnamte

Post a comment

Powered by Blogger.